खासदार होवू पहाणाऱ्या सुजय विखेंची उमेदवारी अर्ज भरताना फजिती !

मोफत मराठी बातम्यांसाठी आमचा ग्रुप जॉईन करा
WhatsApp Group Join Now
Telegram Group Join Now

अहमदनगर : भाजपचे दक्षिण अहमदनगर लोकसभा मतदारसंघाचे उमेदवार सुजय विखे यांचा उमेदवारी अर्ज भरताना चांगलीच फजिती झाल्याचा प्रकार घडला.

पहिल्यांदा अर्ज दाखल करताना ऐनवेळी अर्ज पाठीमागेच राहिल्याने सुजय विखे संतापल्याचे पाहायला मिळाले.

सोमवारी हजारो कार्यकर्त्यांच्या उपस्थितीत भाजपचे उमेदवार सुजय विखे अर्ज भरण्यासाठी जिल्हाधिकारी कार्यालयात दुपारी बारा वाजेच्या दरम्यान आले होते.

भाजप चे तीन मंत्री, तीन आमदार, भाजप-सेनेचे पदाधिकारी सर्व जवाजम्यासह अर्ज भरण्यास सज्ज असतानाच सुजय विखे मात्र चक्क अर्जावर सह्या करायलाच विसरले होते !

ऐनवेळी त्यांनी बाजूला येत एका झाडाखाली तीन अर्जांवर घाईघाईत सह्या केल्या. एवढी यंत्रणा असतानाही सह्या कशा विसरल्या ही एकच चर्चा यावेळी रंगली.

या प्रकारामुळे विखे यांचे वकील, तसेच इतर कार्यकर्त्यांची एकच धावपळ उडाली. सह्या उरकल्यानंतर विखे अर्ज भरण्यासाठी रवाना झाले.

 

 

Leave a Comment