संगमनेर : शहरातील नाशिक-पुणे महामार्गावरील सहकार महर्षी भाऊसाहेब थोरात महाविद्यालयाच्या कार्यालयीन अधीक्षकास मारहाण झाल्याची घटना
सोमवार दि. १ जुलै रोजी दुपारी साडेबारा वाजेच्या सुमारास घडली. याप्रकरणी शहर पोलीस ठाण्यात गुन्हा दाखल करण्यात आला आहे.
याबाबत शहर पोलिसांनी दिलेली माहिती अशी, गोरक्षनाथ नामदेव पानसरे हे थोरात महाविद्यालयात कार्यालयीन अधीक्षक म्हणून काम पाहतात.
सोमवारी दुपारी साडेबाराच्या सुमारास पानसरे, प्रा. डॉ. सुहास आव्हाड, प्रा. डॉ. दिलीप पोखरकर, असे तिघे पानसरे यांच्या कक्षात कार्यालयीन कामकाज करत होते.
त्यावेळी शरद थोरात व त्याचा मुलगा अभिषेक हे दोघे तेथे आले. शरद थोरात याने पानसरे यांना सहकार महर्षी भाऊसाहेब थोरात महाविद्यालयात झालेल्या प्राध्यापक भरतीच्या मुलाखतीची माहिती मागितली.
पानसरे यांनी ही माहिती संस्थेकडे असल्याचे त्याला सांगितले. याचा राग आल्याने शरद याने पानसरे यांना शिवीगाळ करत मारहाण सुरू केली.
त्यावेळी तेथे असलेल्या प्राध्यापकांनी थोरात याला बाजूला नेले. या मारहाणीत पानसरे यांचा चष्मा फुटला असून त्यांना दुखापत झाली आहे.
या प्रकरणी गोरक्षनाथ नामदेव पानसरे (वय ५३, रा. ओम साई कॉलनी, मालदाड रस्ता, संगमनेर) यांनी दिलेल्या फिर्यादीवरून शहर पोलिसांनी शरद नाना थोरात (रा. संगमनेर) याच्या विरोधात गुन्हा दाखल केला आहे.
- आ.निलेश लंके यांचा आमदारकीचा राजीनाम्याची घोषणा, विधानसभा अध्यक्षांना पाठवला राजीनामा.. शरद पवार यांच्या नेतृत्वाखाली लोकसभा लढवणार
- PM Surya Ghar Yojana: घराच्या छतावर सोलर रूप-टॉप बसवा आणि 300 युनिट वीज मोफत मिळवा! अशा पद्धतीने करा घरबसल्या अर्ज
- Tourist Place: उन्हाळ्याच्या उष्ण वातावरणात रेल्वेने प्रवास करून भारतातील ‘या’ ठिकाणांना भेट द्या! प्रवासाचा मिळेल सुखद आनंद
- SBI New Rule: स्टेट बँकेच्या ग्राहकांना आता ‘या’करिता द्यावे लागतील जास्त पैसे! स्टेट बँकेचे ग्राहक असाल तर हे वाचाच….
- Traffic Rule: तुम्हाला माहित आहेत का ‘हे’ तीन महत्त्वाचे वाहतुकीचे नियम? यामध्ये तुम्हाला पोलीस नाही देऊ शकत त्रास