नाशिक :- परराज्यातून कांद्याची मागणी वाढल्याने गुरुवारी (दि. १९) लासलगाव कृषी उत्पन्न बाजार समितीत उन्हाळ कांद्याच्या दराने मोठी उसळी घेत पाच हजारांचा आकडा पार केला. यापूर्वी ऑगस्ट २०१५ मध्ये कांद्याला साडेपाच हजार रुपये प्रतिक्विंटल भाव मिळाल्याचे सांगण्यात आले.
गुरुवारी एकूण १२ हजार क्विंटल आवक होऊन सकाळच्या सत्रात १३०० ते ५१०० व सरासरी ४६०० रुपये, तर दुपारच्या सत्रात १५०१ ते ५१०० व सरासरी चार हजार रुपये प्रतिक्विंटल भाव मिळाला. नवा लाल कांदा बाजारात येण्यास अजून दोन महिने वाट पाहावी लागणार आहे.
त्यातच उन्हाळ कांद्याची आवक घटल्याने या आठवड्यात कांद्याच्या दरात सातत्याने वाढ होत आहे. अनेक समस्यांनी त्रस्त असलेल्या कांदा उत्पादक शेतकऱ्यांना या बाजारभावामुळे मोठा दिलासा मिळाला असून, त्यांच्यात समाधानाचे वातावरण आहे.
- अहमदनगरच्या बैठकीत मराठा समाजाचा मोठा निर्णय ! लोकसभा निवडणुकीत मराठा समाजाचा उमेदवार उभा राहणार, ‘या’ तारखेला उमेदवार जाहीर होणार
- मोठी बातमी ! एकनाथ शिंदे गटाच्या उमेदवारांची पहिली यादी जाहीर, शिर्डीतून यांना मिळाली संधी
- पुन्हा विखे विरुद्ध शरद पवार लढत; नगर दक्षिण लोकसभा कधीकाळी शरद पवारांचे पॉवरहाऊस, पण आता बनला भाजपचा बालेकिल्ला, यंदा कोणाचा विजय ?
- सुजय विखे पाटील यांच्या विरोधात निलेश लंकेंच उभे राहणार, निवडणूक देखणी होणार; अहमदनगरमधील काँग्रेसच्या बड्या नेत्याचे वक्तव्य
- महाविकास आघाडीचा शिर्डीचा उमेदवार ठरला, पण UBT शिवसेनेसह मविआत भाऊसाहेबांचा विरोध वाढला, ठाकरे उमेदवार बदलणार का ?