अहमदनगर : नगर शहर पाणीपुरवठा योजनेवरील महत्वाच्या दुरुस्ती कामांसाठी महापालिकेमार्फत शनिवारी (दि.१२) सकाळी ११ वाजल्यापासून सायंकाळी ५ वाजेपर्यंत शटडाऊन घेण्यात येणार आहे. त्यामुळे याकाळात मुळानगर, विळद येथून होणारा पाण्याचा उपसा बंद राहणार असल्याने शहर पाणी वितरणासाठीच्या टाक्या भरता येणार नाही. त्यामुळे शनिवारी (दि.१२) पाणीपुरवठा बंद राहणार असल्याचे महापालिकेच्यावतीने सांगण्यात आले आहे.
शनिवारी बोल्हेगांव, नागापूर, सावेडी उपनगरातील गुलमोहर रोड, पाईपलाईन रोड, लक्ष्मीनगर, सुर्यनगर, निर्मलनगर व स्टेशनरोड, सारसनगर, विनायकनगर, मुकुंदनगर, केडगाव, नगर-कल्याण रोडवरील शिवाजीनगर परिसर इ. भागास (सकाळी ११ नंतरच्या पाणीवाटपाच्या भागास) पाणीपुरवठा होऊ शकणार नाही. परिणामी रविवारी (दि.१३) रोटेशननुसार पाणी वाटपाच्या शहराच्या भागास म्हणजेच मंगलगेट, झेंडीगेट, दाळमंडई, रामचंद्र खुंट, काळू बागवान गल्ली, धरती चौक, माळीवाडा, कोठी, कलेक्टर कचेरी परिसर याभागात व गुलमोहररोड, प्रोफेसर कॉलनी परिसर, सिव्हील हाडको, प्रेमदान हाडको, म्युनिसिपल हाडको इत्यादी परिसरात महानगरपालिकेमार्फत पाणीपुरवठा करण्यात येणार नाही.
याभागातील पाणीपुरवठा हा रविवारऐवजी सोमवारी (दि.१४) करण्यात येईल. तसेच सोमवारी पाणीपुरवठा होऊ घातलेल्या शहराच्या मध्यवर्ती भागास उदा. सर्जेपूरा, तोफखाना, सिध्दार्थनगर, लालटाकी, दिल्लीगेट, नालेगाव, चितळेरोड, ख्रिस्तगल्ली, कापडबाजार, माळीवाडा, बालिकाश्रमरोड परिसर याभागात पाणीपुरवठा होणार नसून तो मंगळवारी (दि.१५) करण्यात येईल.
शहरातील पाणीपुरवठा एक दिवस बंद करुन उपनगरात ज्या भागात जास्त दिवसाचे रोटेशन आलेले आहे, अशा भागात पाणीपुरवठा करण्याचा महानगरपालिकेचा मानस आहे. तरी नागरिकांनी याची नोंद घेवून असलेल्या पाण्याचा वापर काटकसरीने करुन मनपास सहकार्य करावे, असे आवाहन करण्यात आले आहे.
- मोठी बातमी ! 1 मे 2024 पासून बदलणार ‘हे’ चार नियम, तुमच्यावर काय परिणाम होणार ?
- एका महिन्यातच गुगलचा युटर्न, ‘अहिल्यानगर’ नाव काढलं, आता Google Maps वर पुन्हा अहमदनगर !
- Ahmednagar Politics : नीलेश लंके फकिरच ! जंगम मालमत्ता घटली , कर्जही वाढले
- हनुमान जयंतीच्‍या मुहूर्तावर अर्ज भरण्‍याची नौटंकी ! निलेश लंके मंदिर बंद असताना गप्‍प का बसले होते ? विजय औटींचा घणाघात
- काय सांगता! फक्त 16 हजार रुपयांमध्ये मिळत आहे iPhone 15, कुठे सुरु आहे ऑफर? बघा…
