जामखेड :- तीन वेगवेगळ्या घटनांत बालिका, शेतकऱ्यासह तीन जणांचा मृत्यू झाला. यामध्ये एका अनोळखी व्यक्तीचा समावेश आहे.
पहिली घटना भुतवडा येथे घडली. शनिवार आदिती हनुमंत मोरे (१२ वर्षे) ही मुलगी आईबरोबर शेतात गेली होती. दुपारी दोनच्या सुमारास आईने तिला शेजारी असलेल्या भुतवडा तलावात पाणी आणण्यासाठी पाठवले. ती आपल्या लहान भावंडांना घेऊन पाणी आणण्यासाठी गेली.
आदिती तलावात पाणी काढण्यासाठी उतरली असता तोल जाऊन पाण्यात पडून बुडायला लागली. काठावर उभ्या असलेल्या भावंडांनी आरडाओरडा केल्यावर आजूबाजूचे लोक धावत आले. त्यांनी आदितीला तलावातून बाहेर काढले, मात्र तिचा मृत्यू झाला.
दुसरी घटना शेतकरी बाबासाहेब भिमराव डोके (४५ वर्षे) यांनी घरात कोणी नसताना समोर असलेल्या सिमेंटच्या कॉलमला नायलॉनच्या दोरीने गळफास घेऊन आत्महत्या केली.
तिसऱ्या घटनेत शनिवारी रात्री शहरातील बसस्थानकात घडली. पुणे – बीड (एमएच ०६, बीडब्ल्यू ०९४०) या शिवशाही बसचा चालक गाडी पाठीमागे घेत असताना मागील चाकाखाली एका अनोळखी व्यक्तीचा जागीच मृत्यू झाला.
- Ahmednagar News : अहमदनगर झेडपीचा शिक्षक वर्गात मुलींसोबत करायचा नको ते कृत्य ! कोर्टाने सुनावला तीन वर्षांचा कारावास
- Ahmednagar News : नगरला टंचाईच्या झळा ! पाणी संपले चाराही संपला, जनावरे खपाटी गेली..
- मोदींनी १० वर्षात जो विकास करून दाखवला तो इतरांना जमला नाही : खा. सुजय विखे पाटील
- अहमदनगर जिल्ह्यात 30 एप्रिलपर्यंत प्रतिबंधात्मक आदेश ! ‘ह्या’ गोष्टी करता येणार नाहीत..
- अहमदनगरकर इकडे लक्ष द्या ! दोन दिवस घराबाहेर पडणार असाल तर…