मुंबई : राज्यात सरकार स्थापन करण्यावरून आणि मुख्यत: मुख्यमंत्रीपदावरून भाजपा आणि शिवसेना यांच्यात सध्या जबरदस्त ओढाताण सुरू आहे. दोन्ही पक्ष आपापल्या भूमिकांवर अडून बसल्याने सत्तास्थापनेचे गणित काही जुळताना दिसत नाही.
या पार्श्वभूमीवर शिवसेना नेते खासदार संजय राऊत यांनी पक्षप्रमुख उद्धव ठाकरे यांच्यासोबतचे आपले एक ताजे छायाचित्र आपल्या ट्विटर हँडलवर पोस्ट करून त्याखाली ‘लक्ष्य तक पहुँचनेसे पहले सफर में मजा आता है’ असा हिंदीतून मजकूर टाकला आहे. राऊत यांचे हे ट्विट म्हणजे भाजपाला अप्रत्यक्ष इशाराच आहे, असे मानले जाते.
राऊत यांनी या ट्विटमध्ये आपल्या फोलोअर्सना हिंदी भाषेतून ‘जय हिंद’ असे म्हणत अभिवादन केले आहे. वास्तविक शिवसेना नेते नेहमी ‘जय महाराष्ट्र’ असा नारा देतात. त्यामुळेही काहींच्या भुवया उंचावल्या आहेत.
भाजपाबरोबर सुरू असलेल्या वाटाघाटींदरम्यान उद्धव ठाकरेंऐवजी संजय राऊतच सध्या वेगवेगळी वक्तव्ये करत आहेत. रविवारीच त्यांनी १७० आमदारांच्या पाठिंब्यावर शिवसेना राज्यात सत्ता स्थापन करेल, असा दावा केला होता.
दुसऱ्या दिवशी म्हणजे सोमवारी सायंकाळी त्यांची राज्यपाल भगत सिंह कोश्यारी यांच्याशी बैठक होती. दुसरीकडे मावळते मुख्यमंत्री देवेंद्र फडणवीस यांनीही रविवारी अकोला येथील सभेत सर्व काही सुरळीत होऊन लवकरच भाजपाच्या नेतृत्वाखाली सरकार स्थापन होईल, असा विश्वास व्यक्त केला आहे.
- अहमदनगरच्या बैठकीत मराठा समाजाचा मोठा निर्णय ! लोकसभा निवडणुकीत मराठा समाजाचा उमेदवार उभा राहणार, ‘या’ तारखेला उमेदवार जाहीर होणार
- मोठी बातमी ! एकनाथ शिंदे गटाच्या उमेदवारांची पहिली यादी जाहीर, शिर्डीतून यांना मिळाली संधी
- पुन्हा विखे विरुद्ध शरद पवार लढत; नगर दक्षिण लोकसभा कधीकाळी शरद पवारांचे पॉवरहाऊस, पण आता बनला भाजपचा बालेकिल्ला, यंदा कोणाचा विजय ?
- सुजय विखे पाटील यांच्या विरोधात निलेश लंकेंच उभे राहणार, निवडणूक देखणी होणार; अहमदनगरमधील काँग्रेसच्या बड्या नेत्याचे वक्तव्य
- महाविकास आघाडीचा शिर्डीचा उमेदवार ठरला, पण UBT शिवसेनेसह मविआत भाऊसाहेबांचा विरोध वाढला, ठाकरे उमेदवार बदलणार का ?