इंदुरीकर महाराजांच्या तोंडाला काळे फासू

मोफत मराठी बातम्यांसाठी आमचा ग्रुप जॉईन करा
WhatsApp Group Join Now
Telegram Group Join Now

अहमदनगर लाईव्ह 24 टीम :- नगर : प्रसिद्ध कीर्तनकार इंदुरीकर महाराजांच्या वक्तव्यावरून मोठा गदारोळ झाला आहे. इंदुरीकर महाराजांवर गुन्हा दाखल करण्याची मागणी अंनिसने केली असतानाच, आता भूमाता ब्रिगेडच्या कार्यकर्त्या तृप्ती देसाई यांनी त्यांच्याविरोधात तात्काळ गुन्हा दाखल करण्याची मागणी केली आहे.

गुन्हा दाखल न झाल्यास, इंदुरीकर महाराजांच्या वक्तव्याचा निषेध करण्यासाठी अधिवेशनात गोंधळ घालू, असा इशारा त्यांनी दिला आहे. इंदुरीकर महाराजांच्या विरोधात गुन्हा दाखल करण्यात यावा, या मागणीसाठी तृप्ती देसाई आज नगरमध्ये आल्या होत्या.

त्यावेळी देसाई यांना सुप्याजवळ काही वारकऱ्यांनी काळे झेंडे दाखवून त्यांचा निषेध केला. नगरमध्ये आल्यानंतर देसाई यांनी पोलीस अधीक्षकांची भेट घेऊन इंदुरीकर महाराजांविरोधात लेखी तक्रार दिली. त्यांच्याविरोधात तत्काळ गुन्हा दाखल करण्यात यावा, अशी मागणी त्यांनी केली.

येत्या दोन-तीन दिवसांमध्ये त्यांच्याविरोधात गुन्हा दाखल करण्यात आला नाही, तर आम्ही त्यांच्या आश्रमात जाऊन त्यांच्या तोंडाला काळे फासू, असा इशारा देसाई यांनी दिला.

मुख्यमंत्री, अनेक मंत्री तसेच काही राजकारणी मंडळी इंदुरीकर महाराजांना वाचविण्याचा प्रयत्न करीत आहेत. त्यांने हे बंद करावे, अन्यथा त्यांनाही मंत्रालयात कोंडून घेऊन अद्दल घडवू, असं त्या म्हणाल्या.

इंदुरीकर महाराज महिलांबद्दल जे काही बोलत आहेत, त्याचे पुरावे आम्ही पोलिसांना दिले आहेत, त्यावर कारवाई व्हावी. आम्हाला नगरमध्ये येऊ देणार नाही, असा इशारा दिला होता. प्रत्यक्षात कुणीही आडवे आले नाही.

अडवणार म्हणणारे पेड कार्यकर्ते असावेत. त्यांचा काही तरी लाभ होत असावा, त्यामुळे ते आमचा विरोध करीत आहेत, असंही त्या म्हणाल्या. दरम्यान, इंदुरीकर महाराजांना नोटीस पाठवली आहे. कायदेशीर प्रक्रिया सुरू आहे.

गुन्हा दाखल करण्यासाठी योग्य पावलं उचलली जातील. कायदेशीर कारवाई करण्यात येईल असं पोलीस अधीक्षकांनी सांगितलं आहे, अशी माहितीही देसाई यांनी यावेळी दिली.

This Story First Publish on Ahmednagarlive24.com®

No1 News Network Of Ahmednagar™

जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल www.wordpress-1209733-4285786.cloudwaysapps.com

Leave a Comment