अहमदनगर Live24 टीम, 20 जानेवारी 2021 :- कचरा टाकण्याच्या कारणावरुन झालेल्या भांडणाचा राग मनात धरुन चाकुने वार करुन गंभीर जखमी केल्याप्रकरणी फैय्याज अब्दुल कादर शेख व त्याची पत्नी यांच्याविरुद्ध तोफखाना पोलिस ठाण्यात गुन्हा दाखल करण्यात आला आहे.
याबाबत सविस्तर माहिती अशी की, सैफ मेहमूद शेख (रा.पिंगारा हॉटेल जवळ, नगर) यांच्यासह आई, वडील मेहमूद गनी शेख यांना जीवे मारण्याच्या हेतूने गळा, मान, मनगट व डोक्यावर चाकूने वार करुन फैय्याज अब्दुल कादर शेख व त्याची पत्नी यांनी गंभीर जखमी केले.
याप्रकरणी फैयाज शेख यास अटक करण्यात आली आहे. दरम्यान फैयाज शेख यांनी सैफ शेख व ७ ते ८ जण यांच्याविरुद्ध दिलेल्या तक्रारीत म्हटले की ‘तू वर येवून शिव्या का देतोस’ असे म्हणून शिवीगाळ, दमदाटी करुन जीवे मारण्याची धमकी दिली. याप्रकरणी गुन्हा दाखल करण्यात आला आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved