Sunroof car Under 10 Lakh : SUV कारच्या वाढत्या ट्रेंडसह, सनरूफने देखील एक अतिशय मागणी असलेले वैशिष्ट्य म्हणून ओळख निर्माण केली आहे. आता कंपन्या सीएनजी व्हेरियंटमध्येही या महागड्या फीचरचा समावेश करत आहेत. सध्या इलेक्ट्रिक कारच्या वाढत्या लोकप्रियतेच्या पार्श्वभूमीवर भारतात सीएनजी कारचा ट्रेंड वाढत आहे. आता सीएनजी कारमध्ये सनरूफ वैशिष्ट्याव्यतिरिक्त अनेक आधुनिक तंत्रज्ञानाचा समावेश करण्यात येत आहे. आजच्या या बातमीत आपण अशा काही जबरदस्त सनरूफ फीचर्स असल्येल्या कारबद्दल जाणून घेणार आहोत, ज्या तुम्हाला फक्त 10 लाख रुपयांमध्ये मिळतात.
टाटा पंच मायक्रो-एसयूव्ही
टाटा पंच ही भारतीय ऑटोमोबाईल उत्पादक कंपनी टाटा मोटर्स द्वारे निर्मित मायक्रो-एसयूव्ही कार आहे. ही कार सीएनजी इंधन पर्यायासोबतच सनरूफ फीचरने सुसज्ज आहे. या SUV लाँच करताना कंपनीने सनरूफ फीचरने सुसज्ज केले आहे. या सीएनजी कारमध्ये ड्युअल फ्रंट एअरबॅग्ज, ईबीडीसह एबीएस आणि कॉर्नरिंग स्टॅबिलिटी कंट्रोल यासारख्या उत्कृष्ट वैशिष्ट्यांसह, या पंच सीएनजीमध्ये ऑटोमॅटिक एसी, 7-इंचाची टचस्क्रीन, पुश-बटण स्टार्ट आणि स्टॉप अशी अनेक उत्कृष्ट वैशिष्ट्ये आहेत. भारतीय बाजारात या मायक्रो एसयूव्हीची किंमत 9.68 लाख रुपये आहे.
Tata Altroz हॅचबॅक कार
प्रीमियम हॅचबॅक कार Tata Altroz चे नाव देखील भारतीय बाजारात सनरूफ वैशिष्ट्यासह उपलब्ध असलेल्या CNG कारच्या यादीत समाविष्ट आहे. कंपनीने गेल्या वर्षी मे 2023 मध्ये CNG पॉवरट्रेन आणि सिंगल-पेन सनरूफ पर्यायासह सादर केले होते. Tata Altroz हॅचबॅक कारची मिड-स्पेक XM (S) ट्रिम CNG सनरूफ वैशिष्ट्यासह उपलब्ध आहे. Altroz CNG मध्ये ट्विन-सिलेंडर तंत्रज्ञानाचा समावेश करण्यात आला आहे. ही कार 210 लीटरच्या बूट स्पेससह 1.2-लीटर 3-सिलेंडर पेट्रोल-सीएनजी इंजिनसह सुसज्ज आहे. 5-स्पीड मॅन्युअल ट्रान्समिशनसह, ही कार CNG मोडमध्ये 73.5 PS आणि 103 Nm आउटपुट जनरेट करण्याच्या क्षमतेसह सुसज्ज आहे. या सीएनजी कारची भारतीय बाजारपेठेत किंमत 8.85 लाख रुपये आहे.
मारुती ब्रेझा सबकॉम्पॅक्ट एसयूव्ही
मारुती ब्रेझा ही सीएनजी सनरूफ पर्यायासह भारतीय लाइनअपमधील एक अतिशय यशस्वी सीएनजी कार म्हणूनही गणली जाते. यामध्ये समाविष्ट केलेल्या वैशिष्ट्यांमध्ये सिंगल पॅनल सनरूफ, ऑटोमॅटिक एसी, वायरलेस अँड्रॉइड ऑटोसह 7-इंच टचस्क्रीन इन्फोटेनमेंट सिस्टम आणि ऍपल कारप्ले, मनोरंजनासाठी 6-स्पीकर साउंड सिस्टम यासारख्या अनेक प्रगत वैशिष्ट्यांचा समावेश आहे. सीएनजी पॉवरट्रेनने सुसज्ज असलेली टाटा कंपनीची ही कार भारतातील एकमेव सबकॉम्पॅक्ट एसयूव्ही आहे. त्याच्या टॉप ZXi CNG प्रकाराची एक्स-शोरूम किंमत 12 लाख रुपये आहे.
