Gold Price : सराफा बाजारात (bullion market) गेल्या दोन दिवसांपासून सोन्याच्या दरात (gold price) काहीशी वाढ झाली आहे. सोन्याच्या किमतीत एवढी किरकोळ वाढ होऊनही सोन्याच्या विक्रमी दरापेक्षा खूपच स्वस्तात विकले जात आहे. सोन्याच्या किमतीत सातत्याने चढ-उतार होत असले तरी बाजारात सोन्याची मागणी तेजीत आहे. जाणून घेऊया बाजारात सोन्याचा नवा भाव काय आहे?

बाजारात सोन्याचा भाव काय 

सराफा बाजारात शुक्रवारी सोन्याच्या दरात प्रति दहा ग्रॅम 500 रुपयांनी वाढ झाली आहे. याआधी गुरुवारी सोन्याच्या दरात प्रति दहा ग्रॅम 200 रुपयांची वाढ झाली होती. मात्र त्याआधी बुधवारी सोन्याच्या दरात दहा ग्रॅममागे दीडशे रुपयांची घसरण झाली. गेल्या तीन दिवसांत सोन्याच्या दरात झालेल्या या चढउतारानंतर आता शुक्रवारी 22 कॅरेट सोन्याचा भाव 46,500  रुपये प्रति दहा ग्रॅमवर ​​पोहोचला आहे.

दुसरीकडे, 24 कॅरेट सोन्याबद्दल बोलायचे झाले तर, बुधवारी सोन्याच्या दरात प्रति दहा ग्रॅम 170 रुपयांची घसरण झाली. यानंतर गुरुवारी सोन्याच्या दरात प्रति दहा ग्रॅम 240 रुपयांची वाढ दिसून आली. यानंतर शुक्रवारी प्रति दहा ग्रॅम 530 रुपयांनी वाढ झाली असून, त्यानंतर आता सराफा बाजारात 24 कॅरेट सोन्याचा भाव 50,730 रुपये प्रति दहा ग्रॅमवर ​​पोहोचला आहे.

सोने विक्रमी दरापेक्षा खूपच स्वस्त  

ऑगस्ट 2020 मध्ये सोन्याने आतापर्यंतचा उच्चांक गाठला होता. ऑगस्ट 2020 मध्ये, सोन्याने 55,400 रुपये प्रति दहा ग्रॅम हा आतापर्यंतचा उच्चांक गाठला होता. आज जर आपण सोन्याच्या सध्याच्या किमतीची त्याच्या सर्वकालीन उच्च दराशी तुलना केली, तर आपल्या लक्षात येईल की सध्या सोने 8,900 रुपये प्रति दहा ग्रॅमने स्वस्त आहे.