Health Marathi News : बदलते जीवनचक्र आणि चुकीचा आहार (Wrong Diet) याचा परिणाम शरीरावर घातक होत आहे. तसेच शरीराला (Body) पौष्टिक आहार (Nutritious diet) न मिळाल्यामुळे पुरेसे जीवनसत्व (Vitamins) भेटत नाही आणि शरीर लगेच आजाराला बळी पडते.

जेव्हा फुफ्फुस (Lungs) खराब होतात तेव्हा शरीराला शुद्ध ऑक्सिजन (Oxygen) मिळण्यास खूप त्रास होतो. फुफ्फुसांना दीर्घायुष्यासाठी सुरक्षित ठेवणे किती महत्त्वाचे आहे हे कोरोना विषाणूने आपल्या सर्वांना सांगितले आहे. फुफ्फुसे अरुंद झाल्यामुळे लोकांना श्वास घेण्यास त्रास होत असल्याचे आरोग्य तज्ज्ञांचे म्हणणे आहे.

म्हणूनच त्यांची काळजी घेणे आवश्यक आहे. फुफ्फुस सुरक्षित ठेवण्यासाठी धूम्रपान आणि तंबाखू व्यतिरिक्त, प्रक्रिया केलेले मांस, साखरयुक्त पेय आणि अल्कोहोलपासून दूर राहिले पाहिजे.

आहार तज्ञ काय म्हणतात

फुफ्फुस निरोगी ठेवण्यासाठी सकस आहार आवश्यक असल्याचे आहारतज्ज्ञ डॉ.रंजना सिंग सांगतात. अशाही काही गोष्टी आहेत, ज्यामुळे फुफ्फुसे कमकुवत होतात, त्यांच्यापासून दूर राहावे.

या गोष्टींपासून अंतर ठेवा

1. मीठ 

मीठ (Salt) आरोग्यासाठी आवश्यक मानले जाते, परंतु मर्यादित प्रमाणात. जेव्हा कोणी जास्त प्रमाणात मीठ खातो तेव्हा त्याच्या फुफ्फुसात समस्या उद्भवू शकते. यामुळेच फुफ्फुस निरोगी ठेवण्यासाठी मीठाचे सेवन कमी करा.

2. साखरयुक्त पेय

साखरयुक्त पेये (Sugary drinks) फुफ्फुसासाठी हानिकारक असतात, कारण यामुळे प्रौढांमध्ये ब्राँकायटिस होण्याची शक्यता असते. अशा परिस्थितीत साखरयुक्त पेयांचे सेवन टाळावे. त्याऐवजी जमेल तेवढे पाणी प्या.

3. प्रक्रिया केलेले मांस

प्रक्रिया केलेले मांस फुफ्फुसांसाठी अजिबात चांगले मानले जात नाही, कारण ते टिकवण्यासाठी नायट्रेट नावाचा घटक जोडला जातो, ज्यामुळे फुफ्फुसांमध्ये जळजळ आणि ताण येतो. अशा परिस्थितीत बेकन, हॅम, डेली मीट आणि सॉसेज इत्यादी प्रक्रिया केलेले मांस खाणे टाळावे.

4. दुग्धजन्य पदार्थ

दूध, दही आणि चीज यांसारखे दुग्धजन्य पदार्थ आरोग्यासाठी खूप फायदेशीर असले तरी जेव्हा तुम्ही त्यांचे जास्त प्रमाणात सेवन करायला सुरुवात करता तेव्हा ते फुफ्फुसासाठी हानिकारक ठरतात. त्यामुळे दुग्धजन्य पदार्थांचे अधिक सेवन करू नका

5. अति मद्य सेवन

अल्कोहोल फुफ्फुसासाठी हानिकारक आहे. त्यात असलेले सल्फाइट्स दम्याची लक्षणे वाढवू शकतात. अल्कोहोलमध्ये इथेनॉल देखील असते, जे फुफ्फुसांना नुकसान पोहोचवू शकते. अशा परिस्थितीत, तुम्ही जास्त प्रमाणात मद्यपान टाळले पाहिजे.