Health Marathi News : आयुर्वेदानुसार (Ayurveda) खाण्यापिण्याबाबत अशा अनेक गोष्टी आहेत, ज्यांचे पालन न केल्यास व्यक्तीमध्ये आरोग्याशी संबंधित अनेक समस्या (problem) निर्माण होऊ लागतात. यातील एक समस्या म्हणजे पाणी आणि दूध पिण्याची चुकीची पद्धत. उभं असताना दूध आणि बसून पाणी पिण्याचा सल्ला का दिला जातो ते जाणून घेऊया.
उभे राहून दूध का प्यावे?
आयुर्वेदानुसार दूध (Milk) थंड, वात आणि पित्त दोष संतुलित ठेवण्याचे काम करते. जे लोक बसून दूध पितात त्यांना पचनाचा त्रास होतो. यामुळेच आयुर्वेदात रात्री झोपण्यापूर्वी किंवा संध्याकाळच्या जेवणानंतर दोन तासांनी कोमट उभं राहून दूध पिण्याचा सल्ला दिला जातो जेणेकरून व्यक्तीला त्याचा पूर्ण फायदा मिळू शकेल.
उभे राहून दूध पिण्याचे फायदे
उभे राहून दूध प्यायल्याने गुडघ्यांना इजा होत नाही, स्नायूंसाठी फायदेशीर आहे, कर्करोगाचा धोका कमी होतो, हृदयरोग आणि उच्च रक्तदाबापासून संरक्षण होते, तसेच ते तुमच्या डोळ्यांसाठी आणि त्वचेसाठी फायदेशीर आहे.
बसून पाणी का प्यावे?
आयुर्वेदानुसार, उभे राहून पाणी प्यायल्याने अन्न आणि वाऱ्याच्या नलिकांमध्ये ऑक्सिजनचा पुरवठा थांबतो. ज्याचा परिणाम फक्त फुफ्फुसावरच नाही तर हृदयावरही होतो. याशिवाय उभं राहून पाणी प्यायल्यास, पाण्याच्या जास्तीमुळे पोटाच्या खालच्या बाजूच्या भिंतींवर दाब निर्माण होतो, ज्यामुळे पोटाच्या सभोवतालच्या अवयवांचे मोठे नुकसान होते.
या वाईट सवयीमुळे अनेकांना सांधेदुखी आणि हर्नियाचा त्रास सहन करावा लागतो. न थांबता पाणी प्यायल्याने अॅसिडीटी, गॅस, ढेकर येणे अशा समस्याही होतात. उभे राहून कधीही पाणी पिऊ नका. नेहमी बसून पाणी प्या.
बसून पाणी पिण्याचे फायदे
अभ्यासानुसार, बसून पाणी (Water) प्यायल्याने (Drink) पाणी नीट पचते आणि शरीरातील सर्व पेशींपर्यंत पोहोचते. व्यक्तीच्या शरीराला आवश्यक तेवढे पाणी शोषून घेऊन ते उरलेले पाणी आणि विषारी पदार्थ लघवीद्वारे शरीरातून बाहेर टाकते. बसून पाणी प्यायल्याने हानिकारक पदार्थ रक्तात विरघळत नाहीत, तर ते रक्त स्वच्छ करतात. त्यामुळे बसून पाणी पिणे चांगले मानले जाते.