Independence Day 2022 : आज आपला देश 76 वा स्वातंत्र्यदिन साजरा करत आहेत. देशभर स्वातंत्र्याचा अमृत महोत्सव (Amrit Mahotsav) साजरा केला जात असून यानिमित्त विविध उपक्रम (Event) राबविले जात आहेत.

सोशल मीडियावर (Social media) काही लोक भारताच्या 75व्या स्वातंत्र्यदिनाच्या तर काही जण 76व्या स्वातंत्र्यदिनाच्या (Independence Day) शुभेच्छा देत आहेत. त्यामुळे आज 75 वा स्वातंत्र्यदिन की 76 वा स्वातंत्र्यदिन आहे, असा गोंधळ लोकांमध्ये निर्माण झाला आहे.

यंदा कोणता स्वातंत्र्यदिन?

हा स्वातंत्र्यदिन कोणता याबाबत अनेकांच्या मनात संभ्रम आहे. यावर्षी देश आपला 76 वा स्वातंत्र्य दिन साजरा करत आहे.

हा गोंधळ का होत आहे?

साधारणपणे हा गोंधळ दिसत नाही. मात्र यंदा देश (Country) स्वातंत्र्याचा 75 वा वर्धापन दिन साजरा करत असल्याचे सांगण्यात येत आहे. स्वातंत्र्याच्या 75 व्या वर्धापन दिनानिमित्त देशभरात अमृत महोत्सवही साजरा केला जात आहे. यामुळेच 75 की 76 मध्ये लोकांचा भ्रमनिरास होत आहे.

अशा प्रकारे गोंधळ दूर करा

या वर्षी आपण कोणत्या संख्येने स्वातंत्र्यदिन साजरा करत आहोत हे जाणून घेण्याचा सर्वात सोपा मार्ग म्हणजे प्रथम स्वातंत्र्य दिनापासून गणना (Calculation) करणे. पहिला स्वातंत्र्यदिन 1947 मध्ये झाला.

त्याचप्रमाणे, देशाने 1956 मध्ये 10 वा, 1966 मध्ये 20 वा, 1996 मध्ये 50 वा, 2016 मध्ये 70 वा आणि 2021 मध्ये 75 वा स्वातंत्र्यदिन साजरा केला. या हिशोबानुसार देश आज 76 वा स्वातंत्र्यदिन साजरा करत आहे.

काय म्हणाले पीएम मोदी?

लाल किल्ल्यावरून पंतप्रधान मोदींनी येत्या 25 वर्षांसाठी पाच संकल्प केले. ते म्हणाले की, आता देश मोठ्या संकल्पाने चालेल, आणि पहिला मोठा संकल्प विकसित भारताचा आहे आणि त्यामध्ये काहीही कमी करू नये.

दुसरे व्रत असे की, आपल्या मनात गुलामगिरीचा कोपऱ्यातही अंश असेल तर तो कोणत्याही परिस्थितीत ठेवू नका. तिसरी प्राणशक्ती- आपल्याला आपल्या वारशाचा अभिमान असायला हवा.

चौथे व्रत एकता आणि एकजुटता… पाचवे व्रत हे नागरिकांचे कर्तव्य आहे, यामध्ये पंतप्रधान बाहेर नाहीत, राष्ट्रपतीही बाहेर नाहीत.