Auto Expo 2023 : देशात सर्वात मोठा वाहन मेळावा ग्रेटर नोएडामध्ये भरला आहे. या मेळाव्यात अनेक कंपन्यांनी सहभाग घेतला आहे. तसेच अनेक कंपन्यांकडून नवनवीन कार, बाईक लॉन्च केल्या जात आहेत. आता एक भन्नाट इलेक्ट्रिक बाईक सुद्धा या वाहन मेळाव्यात सादर करण्यात आली आहे.
Kratos X असे या इलेक्ट्रिक बाईकचे नाव आहे. वाढत्या इंधनाच्या किमती पाहता अनेक कंपन्या इलेक्ट्रिक सेगमेंटवर अधिक भर देताना दिसत आहेत. या २०२३ च्या ऑटो एक्सपोमध्ये इलेक्ट्रिक वाहने मोठ्या प्रमाणात सादर करण्यात आली आहेत.
टॉर्क मोटर्सने इलेक्ट्रिक टू-व्हीलर Kratos X लॉन्च केली आहे. ऑटो एक्सपोमध्ये कंपनीकडून निळ्या रंगामध्ये ही बाईक लॉन्च करण्यात आली आहे. लवकरच या गाडीची विक्री सुरु होणार आहे.
तपशील
Tork Kratos X मध्ये पुन्हा डिझाइन केलेले साइड पॅनल, जलद चार्जिंगसह फ्युरियस फास्ट मोड, 7.0-इंच LCD इन्स्ट्रुमेंट क्लस्टर आणि अॅल्युमिनियम स्विंगआर्म वैशिष्ट्ये आहेत.
कंपनीच्या म्हणण्यानुसार, Kratos X मध्ये एक पॉवरफुल इलेक्ट्रिक मोटर वापरण्यात आली आहे, मात्र कंपनीने याबाबत जास्त माहिती दिलेली नाही. इलेक्ट्रिक मोटरसायकल ब्लॅक-आउट बॅटरी पॅकसह सादर करण्यात आली आहे.
कधी होणार उपलब्ध?
Kratos X इलेक्ट्रिक बाईकसोबत, कंपनीने Kratos R बाईकची अपडेटेड आवृत्ती देखील सादर केली आहे. यात ब्लॅक-आउट बॅटरी आणि एलसीडी इन्स्ट्रुमेंट क्लस्टर देखील समाविष्ट आहे.
सध्याच्या मॉडेलच्या तुलनेत लेआउट आणि ग्राफिक्समध्येही बदल दिसत आहेत. नवीन Kratos R जेट ब्लॅक आणि व्हाईट नावाच्या दोन नवीन कलर व्हेरियंटमध्ये उपलब्ध असेल.
विक्री तारीख
Kratos X इलेक्ट्रिक बाइकची डिलिव्हरी देशभरात लवकरच सुरू होईल. कंपनी आपली इलेक्ट्रिक बाइक मुंबई, हैदराबाद आणि पुण्यात डिलिव्हरी करत आहे.
अलीकडेच कंपनीने पुण्यात पहिले अनुभव केंद्र आणि हैदराबाद, सुरत आणि पाटणा सारख्या शहरांमध्ये डीलरशिप सुरू केली आहे. जूनपासून संपूर्ण भारतात त्याची डिलिव्हरी सुरू होईल.