Kapus Bajarbhav : यावर्षी कापूस दरात चढ-उतार पाहायला मिळत आहे. मुहूर्ताच्या कापसाला यावर्षी तब्बल 16000 रुपये प्रति क्विंटल पर्यतचा दर मिळाला होता. मात्र तदनंतर कापसाच्या दरात घसरण झाली आहे. दिवाळीत देखील कापसाच्या दरात वाढ झाली नव्हती. मात्र आता नोव्हेंबर महिन्यात कापसाच्या दरात मोठी वाढ होत आहे. कापसाच्या भावात मजबूत कल असल्याने प्रति गाठी 34,000-35,000 रुपयांपर्यंत व्यवहार होण्याची शक्यता आहे.

ओरिगो कमोडिटीजचे असिस्टंट जनरल मॅनेजर (कमोडिटी रिसर्च) तरुण सत्संगी यांनी दिलेल्या माहितीनुसार, गेल्या वर्षीच्या तुलनेत कमी आवक झाल्यामुळे देशांतर्गत स्पॉट मार्केटमध्ये कापसाच्या किमती सलग दुसऱ्या आठवड्यात वाढल्या आहेत.

शेतकरी कापसाची साठवणूक करत आहेत. तसेच सध्याच्या भावात आपले पीक मंडईत आणण्यास तयार नाहीत. आयसीई कापसातील मजबूतीही देशांतर्गत बाजारातील किमतीला आधार देत आहे. या सर्व कारणांमुळे नैसर्गिक फायबरच्या किमती वाढत असल्याचे त्यांचे म्हणणे आहे.

गेल्या वर्षीच्या नोव्हेंबरच्या तुलनेत आवक घटली आहे

तरूण सत्संगी सांगतात की, नोव्हेंबर हा कापूस आवकसाठी महत्त्वाचा महिना म्हणून ओळखला जातो, मात्र यावर्षी नोव्हेंबरमध्ये आतापर्यंत एकूण 1 लाख 68 हजार 763 टन आवक झाली आहे, जी गतवर्षी याच कालावधीत 2 लाख 39 हजार 285 टनांची आवक झाली होती. म्हणजे आवक 29.5 टक्के कमी आहे.

तथापि, देशभरातील प्रमुख मंडईंमध्ये कापसाची रोजची आवक १ लाख ०४ हजार गाठी (१ गाठी = १७० किलो) झाली आहे, मागील आठवड्यात ८५,०००-९५,००० गाठींची आवक झाली होती. आगामी काळात कापसाची आवक वाढण्याची शक्यता असल्याचे ते सांगतात.

वस्त्रोद्योगाला धक्का

नोव्हेंबरमध्ये मोठ्या प्रमाणात आवक असूनही, कापड उद्योगासाठी कापूस किमतीची उच्च पातळी चिंताजनक आहे.  वस्त्रोद्योग सध्या त्याच्या सध्याच्या क्षमतेच्या केवळ 30-35 टक्के कार्यरत आहे.

मात्र, कापसाची आवक अजून वाढलेली नसल्याने यंदा परिस्थिती वेगळी आहे. व्यापारी आणि सूत गिरण्या सध्या बाजाराच्या दिशेबद्दल संभ्रमात आहेत, तर गुजरातमधील शेतकरी पीक धरून आहेत आणि गुजरात निवडणुकीनंतर (१-५ डिसेंबर २०२२) पीक बाजारात नेऊ शकतात.

दरम्यान जाणकार लोकांच्या मते, यावर्षी कापसाला सरासरी 9000 रुपये प्रति क्विंटल पर्यंतचा दर मिळण्याची शक्यता आहे. यामुळे शेतकरी बांधवांनी उसाची विक्री करताना 9000 रुपये प्रति क्विंटल ही दर पातळी ध्यानात ठेवावी.