DA Hike Latest Update : करोडो केंद्रीय कर्मचाऱ्यांसाठी (Central employees) एक आनंदाची बातमी आहे. केंद्र सरकार (Central Govt) सणासुदीच्या काळात (Festive season) या कर्मचाऱ्यांच्या पगारात वाढ करू शकते.
अनेक दिवसांपासून हे कर्मचारी महागाई भत्त्याच्या (DA) वाढीची आतुरतेने वाट पाहत होते. महागाई भत्ता 34 टक्क्यांवरून 38 टक्के इतका (DA Hike) होणार आहे.
1 कोटीहून अधिक कर्मचारी आणि पेन्शनधारकांसाठी आनंदाची बातमी
कामगार मंत्रालयाने AICPI (All India Consumer Price Index) च्या पहिल्या सहामाहीची आकडेवारी जाहीर केली होती. यामध्ये जानेवारी ते जून या कालावधीचा समावेश आहे. AICPI निर्देशांक जूनमध्ये 129.2 अंकांवर पोहोचला आहे.
यावरून जुलै 2022 च्या वाढीव महागाई भत्त्यात 4 टक्क्यांनी वाढ होणार असल्याचे स्पष्ट झाले आहे. तज्ज्ञांनी असा दावा केला आहे की 4 टक्क्यांनी वाढ केल्यानंतर डीए 38 टक्के होईल. 1 कोटींहून अधिक केंद्रीय कर्मचारी आणि पेन्शनधारकांना (Pensioners) त्याचा थेट लाभ मिळणार आहे.
AICPI डेटानुसार DA
कामगार मंत्रालय दर महिन्याच्या शेवटी मागील महिन्याचा AICPI डेटा जारी करते. यामध्ये महागाई निर्देशांकाच्या तुलनेत कर्मचाऱ्यांना महागाईचा सामना करण्यासाठी किती भत्ता द्यायला हवा हे दाखवले जाते. पहिल्या सहामाहीच्या आकडेवारीवरून हे स्पष्ट झाले आहे की डीएमध्ये 4 टक्के वाढ झाली पाहिजे.
म्हणजे एकूण DA वाढून 38 टक्के होईल. सप्टेंबरअखेर यावर निर्णय होईल, अशी आशाही कर्मचारी संघटनेला आहे. त्यामुळे केंद्रीय कर्मचाऱ्यांना मोठा दिलासा मिळणार आहे.
कोणाचा पगार वाढणार?
7 व्या CPC किमान पगाराची गणना रु. 18000
1. कर्मचाऱ्यांचा मूळ पगार 18,000 रुपये
2. नवीन महागाई भत्ता (38%) रुपये 6840/महिना
3. आतापर्यंतचा महागाई भत्ता (34%) रुपये 6120/महिना
4. किती महागाई भत्ता वाढला 6840-6120 = रुपये 720/ महिना
5. वार्षिक पगारात वाढ 540X12 = रु 8640
7 व्या CPC कमाल पगाराची गणना रु 56900
1. कर्मचार्‍यांचा मूळ पगार रु 56900
2. नवीन महागाई भत्ता (38%) रु 21622/महिना
3. आतापर्यंतचा महागाई भत्ता (34%) रु 19346/महिना
4. महागाई भत्ता किती वाढला 21622-19346 = रु. 2276/ महिना
5. वार्षिक पगारात वाढ 1707X12 = रु 27312
हा अंदाजे आधारित पगार आहे, त्यात HRA सारखे भत्ते जोडल्यानंतरच अंतिम वेतन केले जाईल.
इतर भत्त्यांमध्येही लाभ मिळेल
वर्षअखेरीस केवळ केंद्रीय कर्मचाऱ्यांचा महागाई भत्ता वाढणार नाही. उलट इतर भत्तेही वाढतील. यात प्रवास भत्ता आणि शहर भत्ता यांचा समावेश आहे. त्याच वेळी, निवृत्तीसाठी भविष्य निर्वाह निधी आणि ग्रॅच्युइटीमध्ये वाढ होईल. कारण, महागाई भत्त्यात वाढ झाल्याने या सर्व भत्त्यांवर परिणाम होतो.
HRA गणनामध्ये समाविष्ट नाही
7 व्या CPC अंतर्गत, 38 टक्के महागाई भत्त्यानुसार, 56900 रुपयांच्या मूळ वेतनावरील एकूण वार्षिक महागाई भत्ता 259,464 रुपये असेल. परंतु, 34 टक्क्यांच्या तुलनेत फरकाबद्दल बोलायचे झाल्यास, पगारातील वार्षिक वाढ 27312 रुपये होईल.
मात्र, एचआरएसह इतर भत्ते जोडल्यानंतर अंतिम वेतन किती असेल, हे कळेल. ही साधी गणना केवळ एका कल्पनेसाठी केली गेली आहे.