Fifa World Cup 2022: संपूर्ण जगातील फुटबॉल चाहत्यांची प्रतीक्षा आता संपणार आहे. 20 नोव्हेंबर म्हणजेच या रविवारपासून फुटबॉल जगातील सर्वात मोठी स्पर्धा Fifa World Cup 2022 सुरु होणार आहे.
यावेळी Fifa World Cup 2022 चे आयोजन कतारकडे सोपविण्यात आले आहे. या स्पर्धेमध्ये भाग घेणाऱ्या सर्व संघ कतारमध्ये दाखल झाले आहे. तुमच्या माहितीसाठी आम्ही तुम्हाला सांगतो यावेळी Fifa World Cup 2022 चा पहिला सामना यजमान कतार आणि इक्वेडोर यांच्यात होणार आहे तसेच संपूर्ण जगातून आपल्या संघाला पाठिंबा दर्शवण्यासाठी लाखो चाहते कतारमध्ये दाखल झाले आहे.
तर दुसरीकडे Fifa World Cup 2022 साठी कतार सरकारने अतिशय कडक नियम लागू केले आहे. जर कोणी हे नियम फॉलो नाही केले तर त्यांच्यावर कारवाई करत मोठा दंड वसूल करण्यात येणार आहे तसेच तुरुंगात जावे लागू शकते.
हय्या कार्डशिवाय प्रवेश नाही
कतारमध्ये येणाऱ्या चाहत्यांना हय्या कार्डसाठी अर्ज करावा लागेल. हया कार्ड हे एक प्रकारचे ओळखपत्र आहे ज्याद्वारे कतारमध्ये कुठेही प्रवास करता येतो. ज्यांच्याकडे हे कार्ड आहे त्यांना मेट्रो आणि बसमध्ये मोफत प्रवास करता येणार आहे. या कार्डमुळे कतारमध्ये जाण्यासाठी व्हिसाची गरज भासणार नाही. हैया कार्डधारक 23 जानेवारीपर्यंत कतारमध्ये राहू शकतात. हे कार्ड 3-4 दिवसात बनते.
लैंगिकता संबंधित नियम
अविवाहित महिला आणि पुरुष यांच्यातील संबंध कतारमध्ये गुन्हा मानला जातो. अशा परिस्थितीत विवाह न झालेल्या जोडप्यांना हॉटेलमध्ये खोल्या न देण्याच्या सूचना देण्यात आल्या आहेत. कतारमध्ये समलैंगिकता गुन्हेगारी आहे. याचे उल्लंघन केल्यास तुरुंगवास होऊ शकतो. जर एखाद्या चाहत्याने डुकराचे मांस किंवा सेक्स टॉय आणण्याचा प्रयत्न केला तर त्याला तुरुंगवासही होऊ शकतो.
ड्रेस कोडचीही काळजी घ्यावी लागेल
कतारच्या अधिकृत पर्यटन वेबसाइटने भेट देणाऱ्या पर्यटकांना आपल्या संस्कृतीचा आदर करण्यास सांगितले आहे. महिला चाहत्यांना त्यांचे खांदे आणि गुडघे झाकण्यास सांगितले आहे. सार्वजनिक ठिकाणी लांब स्कर्ट किंवा पँट घालण्याच्या सूचनाही देण्यात आल्या आहेत. पुरुष गुडघा न झाकणारी जीन्स घालू शकत नाहीत. यासोबतच आक्षेपार्ह घोषणा असलेला ड्रेस परिधान करण्यावर बंदी घालण्यात येणार आहे.
अल्कोहोल संबंधित हे नियम
आयोजकांनी सांगितले की परवानाधारक रेस्टॉरंट्स आणि देशभरातील अनेक हॉटेल्समध्ये अल्कोहोल दिले जाईल आणि नियुक्त केलेल्या वेळी फॅन झोनमध्ये उपलब्ध केले जाईल. फॅन झोनमध्ये मद्यविक्री हॉटेल्सपेक्षा कमी खर्चिक असू शकते. कतारमध्ये दारू आणण्यास मनाई आहे. येथील रहिवाशांना घरगुती वापरासाठी खास दुकानातून मद्य खरेदी करण्याची परवानगी आहे. त्यामुळे फॅन झोनच्या बाहेर पर्यटकांच्या मद्यपानावर बंदी असेल. जर कोणी या कायद्यांचे उल्लंघन केले तर त्याला सुमारे 67 हजार रुपये दंड भरावा लागेल. तसेच ई-सिगारेट ओढण्यावरही बंदी असेल.
लसीकरणात सूट मिळाली
कतारला जाण्यासाठी कोविड-19 लसीकरण अनिवार्य नाही, परंतु सहा किंवा त्याहून अधिक वयाच्या कोणालाही कतारला जाण्यापूर्वी विमानतळावर कोविड-19 चा नकारात्मक RTPCR अहवाल दाखवावा लागेल. RTPCR चाचणीचा हा अहवाल 48 तासांपूर्वीचा नसावा. जर एखाद्याला प्रतिजन चाचणी केली असेल तर ती 24 तासांपेक्षा जुनी नसावी.
हे पण वाचा :- Bank Work : नागरिकांनो लक्ष द्या ! बँकेशी संबंधित काम येत्या 24 तासांत करा पूर्ण नाहीतर ..