Fire-Boltt Celsius : मार्केटमध्ये स्मार्टफोनप्रमाणेच आता स्मार्टवॉचचीही मागणी वाढली आहे. बाजारात सध्या वेगवेगळ्या कंपन्यांचे स्मार्टवॉच आपल्याला पाहायला मिळतात. या सर्वच स्मार्टवॉचमध्ये जबरदस्त फीचर्स देत आहेत.
त्यामुळे हे स्मार्टवॉचची किंमत खूप जास्त आहे. परंतु, तुम्ही आता स्वस्तात स्मार्टवॉच खरेदी करू शकता. फायर-बोल्टचे खिशाला परवडणारे स्मार्टवॉच भारतात लाँच झाले आहे. यामध्ये सर्वात मोठा डिस्प्ले कंपनीने दिला आहे.
मार्केटमध्ये फायर-बोल्टने पुन्हा एकदा खिशाला परवडणारे स्मार्टवॉच सादर केले आहे. या स्मार्टवॉचचे नाव सेल्सिअस असून यामध्ये चार रंगांचे पर्याय सादर केले आहेत.
किंमत
भारतात या स्मार्टवॉचची किंमत 1799 रुपयांपासून सुरू आहे. यामध्ये ब्लॅक, पिंक, सिल्व्हर आणि गोल्ड ब्लॅक अशा चार रंग पर्यायामध्ये उपलब्ध आहेत. जर तुम्हाला स्मार्टवॉच विकत घ्यायचे असेल तर तुम्ही ते Flipkart आणि http://firebolt.com वरून खरेदी करू शकता.
स्पेसिफिकेशन
या स्मार्टवॉचमध्ये आतापर्यंतचा सगळ्यात मोठा 1.91 इंचाचा HD डिस्प्ले दिला आहे. जो 240×296 पिक्सेल ब्राइटनेस प्रदान करतो. हे स्मार्टवॉच मेटल बॉडीसह येते ज्यामुळे ते अल्ट्रा-स्लीक, हलके आणि स्टाइलिश बनते. हे पाण्याच्या प्रतिकारासाठी IP67 रेट केले आहे.
फीचर्स
या स्मार्टवॉचच्या इतर फीचर्सबद्दल बोलायचे झाले तर यामध्ये अंगभूत थर्मल सेन्सर असून त्याचे काम शरीराचे तापमान निरीक्षण करणे आणि रिअल-टाइम आधारावर अहवाल तयार करणे आहे.
स्मार्टफोनला स्पर्श न करता, स्मार्टवॉच कनेक्ट झाल्यावर वापरकर्ते सर्व कॉल आणि संदेशांच्या सूचना प्राप्त करण्यास सक्षम असतील. यामध्ये यूजर्सना त्यांच्या मूड, स्टाइल किंवा कोणत्याही प्रसंगानुसार वॉच फेस सेट करण्याची सुविधा मिळते.
हे स्मार्टवॉच प्रत्येकाच्या फिटनेस गरजेनुसार 123 वेगवेगळ्या स्पोर्ट्स मोडसह येतो. स्मार्टवॉच वापरकर्त्यांना त्यांच्या शरीरातील बदलांबद्दल सावध करण्यासाठी आणि हृदय गती, रक्तातील ऑक्सिजन पातळी आणि झोपेचे चक्र ट्रॅक करते.