Honda Accord : होंडा आपल्या कार्समध्ये वेळोवेळी नवनवीन फीचर्स सादर करत असते. त्यामुळे देशभरात होंडाच्या कार्सना मोठ्या प्रमाणात मागणी असते.
अशातच होंडाने ॲडव्हान्स फीचर्स आणि स्टायलिश लुकसह नवीन लक्झरी सेडान सादर केली आहे. या कारमध्ये होंडाकडून इंजिनमध्ये बदल करण्यात आला आहे.
कसा आहे लुक
Honda ने बदलांसह जागतिक बाजारपेठेत Accord ची 11वी पिढी सादर केली आहे. फेसलिफ्टनंतर, नवीन एकॉर्ड पूर्वीपेक्षा मोठी, स्पोर्टियर आणि चांगली दिसते. या कारमधील बदलांसह सिग्नेचर लूक कायम ठेवण्यात आला आहे.
ब्लॅक आऊट एलईडी हेडलॅम्प्स, हॉरिझॉन्टल टेललाइट्स, ड्युअल कलर अलॉय व्हील आणि इंटिग्रेटेड स्पॉयलर सारखी वैशिष्ट्ये कारमध्ये जोडण्यात आली आहेत.
इंटिरिअरही खास आहे
Honda ने नवीन पिढीतील Accord चे इंटिरिअरही आलिशान बनवण्याचा प्रयत्न केला आहे. कारमध्ये ग्रे लेदरचा वापर करण्यात आला आहे. याशिवाय बॉडी स्टॅबिलायझिंग सीट्स, प्रीमियम साउंड सिस्टमसाठी बोसचे 12 स्पीकर, मोठी टचस्क्रीन इन्फोटेनमेंट सिस्टीम, डिजिटल एमआयडी, स्टिअरिंग कंट्रोल्स, मेमरी सीट्स यांसारख्या अनेक उत्कृष्ट फीचर्स देण्यात आल्या आहेत.
इंजिन बदल
लक्झरी सेडानमधील होंडाकडून सर्वात महत्त्वाचे अपडेट इंजिनमध्ये करण्यात आले आहे. कंपनीने ही कार दोन पेट्रोल आणि चार हायब्रिड इंजिन पर्यायांसह सादर केली आहे. नवीन Honda Accord मध्ये, कंपनीने 1.5-लीटर टर्बोचार्ज केलेले चार-सिलेंडर इंजिन दिले आहे, जे 189bhp आणि 260Nm टॉर्क जनरेट करते.
हे इंजिन CVT तंत्रज्ञानाने सादर करण्यात आले आहे.जुन्या एकॉर्डमध्ये सापडलेले 2.0-लिटर चार-सिलेंडर इंजिन कंपनीने काढून टाकले आहे. यासोबतच इंजिनमध्ये हायब्रीडचा पर्यायही देण्यात आला आहे.
ज्यामध्ये दोन मोटर्ससह 2.0 लीटर अॅटकिन्सन सायकल इनलाइन चार सिलिंडर इंजिन आहे. या इंजिनमधून कारला 201 bhp आणि 335 न्यूटन मीटर टॉर्क मिळतो.