IDBI Special FD : कमाईची शेवटची संधी! ३१ मार्च रोजी बंद होतेय ‘ही’ खास एफडी, आत्ताच गुंतवणूक करा

IDBI Special FD : आपले भविष्य सुरक्षित राहावे यासाठी अनेकजण सरकारी तसेच खासगी योजनांमध्ये गुंतवणूक करत असतात. यातील काहीजण हे सुरक्षित आणि जबरदस्त परतावा देणाऱ्या योजनांमध्ये गुंतवणूक करून मालामाल होत आहेत. इतकेच नाही तर अनेक गुंतवणूकदार आता बँकांच्या विशेष एफडी योजनांमध्ये गुंतवणूक करत आहेत.

कोरोना काळात IDBI या बँकेने आपली एक विशेष एफडी योजना सुरु केली होती. आता ही योजना 31 मार्च रोजी बंद होणार आहे. सर्वात महत्त्वाचे म्हणजे ही योजना ज्येष्ठ नागरिकांसाठी आहे. त्यामुळे गुंतवणुकीसाठी ज्येष्ठ नागरिकांकडे काही दिवसच उरले आहेत.

काही बँकांनी कोविड-19 च्या प्रादुर्भावाच्या पहिल्या लाटेत प्रामुख्याने ज्येष्ठ नागरिकांसाठी काही विशेष FD योजना आणल्या होत्या, ज्या योजनांचा त्यांना 50 bps जास्त व्याजदराच्या आधीच अस्तित्वात असणाऱ्या लाभाव्यतिरिक्त अतिरिक्त व्याजदर लाभ मिळत आहे.

31 मार्च रोजी संपणार ही योजना

ज्येष्ठ नागरिकांसाठी IDBI बँकेने 20 एप्रिल 2022 रोजी निवासी ज्येष्ठ नागरिकांसाठी ‘IDBI नमन ज्येष्ठ नागरिक ठेव’ योजना सुरू केली. सर्वात महत्त्वाची गोष्ट म्हणजे, आता या बँकेच्या अधिकृत वेबसाइटनुसार, ही योजना 31 मार्च 2023 रोजी संपणार आहे.

‘IDBI नमन ज्येष्ठ नागरिक ठेव’ योजनेचा विशेष लाभ म्हणून व्यक्तींना वार्षिक 0.50% च्या विद्यमान अतिरिक्त दराव्यतिरिक्त 0.25% वाढीव व्याज दर मिळणार आहे. हे कार्ड दरापेक्षा 0.75 % जास्त असणार आहे.

या बँकेच्या मते, ‘आयडीबीआय नमन ज्येष्ठ नागरिक ठेव’ योजनेअंतर्गत ज्येष्ठ नागरिकांसाठी वरील विशेष फायदे केवळ 1 वर्ष ते 10 वर्षांहून अधिक कालावधीसाठी वैध आहेत.

किती मिळणार व्याज ?

ज्येष्ठ नागरिकांना 1 वर्ष ते 2 वर्षांपेक्षा जास्त कालावधीसाठी (444 दिवस आणि 700 दिवस वगळून) 7.50% व्याजदर मिळणार आहे. 2 वर्षे ते 3 वर्षांसाठी 7.25% आणि 3 वर्षे ते 10 वर्षांसाठी 7.00%. हे व्याजदर 31 मार्च 2023 पर्यंत ज्येष्ठ नागरिकांना लागू असणाऱ्या मानक दरांपेक्षा 75 bps जास्त आहेत.