LIC Shear: LIC भागधारकांना मोठा फायदा, आठवडाभरात एवढ्या कोटींचा मिळाला नफा…..

मोफत मराठी बातम्यांसाठी आमचा ग्रुप जॉईन करा
WhatsApp Group Join Now
Telegram Group Join Now

LIC Shear: गेल्या आठवड्यात, बॉम्बे स्टॉक एक्सचेंज (Bombay Stock Exchange) वर सूचीबद्ध टॉप-10 कंपन्यांपैकी 8 कंपन्यांचे बाजार भांडवल वाढले. जर आपण आकडेवारी पाहिली तर सेन्सेक्सच्या या कंपन्यांना 1,81,209.89 कोटी रुपयांचा नफा झाला आहे.

या दरम्यान, एलआयसीच्या भागधारकांना मोठा फायदा झाला आहे. देशातील सर्वात मोठ्या विमा कंपनीच्या (Insurance company) मार्केट कॅपमध्ये 19,000 कोटी रुपयांहून अधिक वाढ झाली आहे.

एलआयसीचा मार्केट कॅप (LIC Market Cap) –

बीएसईच्या आकडेवारीनुसार, गेल्या आठवड्यात झालेल्या नफ्यामुळे भारतीय आयुर्विमा महामंडळ (Life Insurance Corporation of India) चे एकूण बाजार भांडवल 19,797.24 कोटी रुपयांनी वाढून 4,47,841.46 कोटी रुपये झाले.

मात्र, फायदेशीर कंपन्यांमध्ये हिंदुस्तान युनिलिव्हर (Hindustan Unilever) आघाडीवर राहिली. त्याचे मार्केट कॅप 50,058.05 कोटी रुपयांनी वाढले आणि ते 5,86,422.74 कोटी रुपये झाले. याशिवाय ICICI बँकेचे मूल्यही 35,956.8 कोटी रुपयांनी वाढून 5,25,656.96 कोटी रुपयांवर पोहोचले आहे.

या कंपन्यांचा गुंतवणूकदारांना फायदा –

या कालावधीत, HDFC बँकेचे बाजार भांडवल 23,940.12 कोटी रुपयांनी वाढून 7,75,832.15 कोटी रुपये झाले, स्टेट बँक ऑफ इंडियाचे (State Bank of India) MCap 19,232.55 कोटी रुपयांनी वाढून 4,35,922.66 कोटी रुपये झाले. याशिवाय इन्फोसिसच्या मार्केट कॅपमध्ये 15,126.4 कोटी रुपयांची वाढ झाली आणि ती 6,37,033.78 कोटी रुपयांवर पोहोचली.

एअरटेलला 12,000 कोटींचा फायदा –

गेल्या एका आठवड्यात भारती एअरटेलचे मार्केट कॅप 12,000.08 कोटी रुपयांनी वाढून 3,81,833.20 कोटी रुपयांवर पोहोचले आहे. याशिवाय HDFC सुद्धा नफ्यात होते आणि तिचे मूल्य रु. 5,098.65 कोटींनी वाढले, त्यानंतर तिचे बाजार भांडवल रु. 4,06,213.61 कोटी झाले.

TCS-रिलायन्सचे मोठे नुकसान –

आता गेल्या आठवड्यात तोट्यात चाललेल्या कंपन्यांबद्दल बोलूया, तर सेन्सेक्समधील दोन बड्या कंपन्या टीसीएस आणि रिलायन्सला फटका बसला आहे. टाटा कन्सल्टन्सी सर्व्हिसेस (TCS) चे भांडवल 18,770.93 कोटी रुपयांनी घसरून 11,94,625.39 कोटी रुपयांवर आले आहे.

तर मुकेश अंबानींच्या नेतृत्वाखालील रिलायन्स इंडस्ट्रीज लिमिटेड (RIL) चा MCap 11,805.14 कोटी रुपयांवर जाऊन 16,17,879.36 कोटी रुपयांवर गेला आहे.

सेन्सेक्स 3 % वर –

गेल्या आठवड्यात, बीएसईचा 30 शेअर्सचा सेन्सेक्स 1,573.91 अंकांनी किंवा 2.97 टक्क्यांनी वाढला होता. निर्देशांकातील टॉप-10 कंपन्यांच्या यादीत रिलायन्स इंडस्ट्रीज तोट्यानंतरही जास्तीत जास्त बाजार भांडवलाच्या बाबतीत पहिल्या स्थानावर आहे.

त्यानंतर टीसीएस, एचडीएफसी बँक, इन्फोसिस, हिंदुस्थान युनिलिव्हर, आयसीआयसीआय बँक, एलआयसी, एसबीआय, एचडीएफसी आणि भारती एअरटेल यांचा क्रमांक लागतो.