Broadband Plan : सध्याच्या काळात सर्वजण स्मार्टफोन वापरत आहे तसेच इंटरनेटचा वापरही जास्त होऊ लागला आहे. परंतु, तुम्ही आता वर्षभरात 7200 रुपये वाचवू शकता. यामध्ये तुम्हाला 500 एमबीपीएस स्पीड आणि राउटर देखील विनामूल्य मिळत आहे. काय आहे हा भन्नाट प्लॅन जाणून घेऊयात.
7200 रुपये वाचवता येणार
टाटा प्ले फायबर 1 महिन्यासाठी 3600 रुपये, 3 महिन्यांसाठी 10800 रुपये, 6 महिन्यांसाठी 19800 रुपये आणि 12 महिन्यांसाठी 36000 रुपयांचा 500 एमबीपीएस प्लॅन ऑफर करत आहे. त्यामुळे जर तुम्ही 1 किंवा 3 महिन्यांचा प्लॅन घेतला तर तुम्हाला महिन्याला 3600 रुपये द्यावे लागणार आहेत.
पण जर तुम्ही 6 महिने आणि 12 महिन्यांच्या प्लॅनसाठी गेलात तर तुमचे अनुक्रमे 1800 आणि 7200 रुपये वाचतील. तथापि, कनेक्शनसाठी तुम्हाला एकाच वेळी 36,000 रुपये द्यावे लागतील.
हाय-स्पीड डेटा
500 Mbps प्लॅनसह, तुम्हाला 3.3TB हाय-स्पीड डेटा मिळेल. 3.3TB डेटा मर्यादेनंतर, तुमचा इंटरनेट स्पीड 3 Mbps पर्यंत कमी होईल. तुम्ही दीर्घकालीन वैधता योजनेसाठी गेलात तर तुम्हाला कोणतीही सुरक्षा ठेव भरावी लागणार नसून तुम्ही मासिक पर्यायासाठी गेला तर तुम्हाला 1000 रुपये सुरक्षा ठेव भरावी लागेल. टाटा प्ले फायबर आपल्या ग्राहकांना मोफत इन्स्टॉलेशन ऑफर करत आहे. याशिवाय कनेक्शन मिळण्यासोबत तुम्हाला मोफत ड्युअल-बँड राउटरही मिळत आहे.
OTT फायदे मिळणार नाही
टाटा प्ले फायबर सध्या देशाच्या सर्व भागात उपलब्ध नाही. तुम्ही भारतातील प्रमुख शहरांमध्ये राहत असाल तर तुम्ही टाटा प्ले फायबरच्या सेवेचा लाभ घेऊ शकता. तथापि, तुम्हाला टाटा प्ले फायबर सेवेमध्ये कोणतेही OTT फायदे मिळत नाहीत.
जर तुम्ही Jio आणि Airtel ची ब्रॉडबँड सेवा पाहिली तर तुम्हाला त्यांच्या 500 Mbps प्लॅनसह OTT चे फायदे मिळतात. जरी, Airtel कडे 500 Mbps प्लॅन नाही, पण त्याच्या 300 Mbps प्लॅनसह, तुम्हाला Netflix सारख्या OTT सेवेचा लाभ मिळतो.