TOYOTA Upcoming Car 2023 : जपानी ऑटोमेकर टोयोटा ही मार्केटमधील आघाडीची कार निर्माता कंपनी आहे. कंपनी सतत नवनवीन फीचर्स आणि मागणीनुसार कार लाँच करत असते.
अशातच कंपनी नवीन वर्षात आपल्या ग्राहकांना एक मोठा सुखद धक्का देण्याच्या तयारीत आहे. कारण कंपनीच्या 3 कार्स लाँच होणार आहेत. पाहुयात सविस्तर माहिती.
1. 2023 टोयोटा इनोव्हा क्रिस्टा
नवीन 2023 टोयोटा इनोव्हा क्रिस्टा 2.7-लिटर, 4-सिलेंडर पेट्रोल इंजिन आणि CNG इंधन पर्यायांसह ऑफर केली जाऊ शकते अशी चर्चा आहे. MPV ची CNG आवृत्ती फ्लीट मार्केट आणि खाजगी खरेदीदार या दोघांनाही लक्ष्य केले जाणार आहे.
तसेच या व्यतिरिक्त, 2.4L टर्बो डिझेल इंजिन देखील ऑफरवर असणार आहे. जपानी ऑटोमेकरने फेब्रुवारी 2023 पासून नवीन इनोव्हा क्रिस्टा चे सुमारे 2,000 – 2,500 युनिट्स/महिना उत्पादन करण्याचे उद्दिष्ट ठेवले आहे.
2. A15 एसयूव्ही कूप
टोयोटा या वर्षाच्या अखेरीस देशात A15 कोडनेम असलेली एक नवीन SUV कूप लॉन्च करणार आहे. बंद झालेल्या अर्बन क्रूझरच्या जागी नवीन SUV कूप येणार आहे. त्याची स्पर्धा Hyundai Venue, Kia Sonet, Renault Kiger आणि Nissan Magnite शी होईल. नवीन SUV कूप मारुतीच्या आगामी YTB SUV कूपवर आधारित असेल, जे ऑटो एक्सपो 2023 मध्ये जागतिक स्तरावर पदार्पण करण्यासाठी सज्ज आहे.
3. TOYOTA D23 MPV
टोयोटा 2023 च्या मध्यापर्यंत Ertiga आधारित MPV लाँच करेल. D23 कोडनम असलेले, नवीन मॉडेल इनोव्हाच्या खाली स्थित असेल आणि Kia Carens ला टक्कर देणार आहे. Toyota आधीच दक्षिण आफ्रिकेत Ertiga-आधारित MPV विकत आहे, ज्याला Toyota Rumion MPV म्हणतात. कंपनीने भारतात आधीच रुमियन नेमप्लेटची नोंदणी केली आहे.