अहमदनगर Live24 टीम, 06 एप्रिल 2022 Krushi news :- सध्या महाराष्ट्र समवेत संपूर्ण देशाच्या तापमानात मोठी वाढ झाली आहे. यामुळे कलिंगड पिकाला मोठी मागणी बघायला मिळत आहे.
उन्हाळ्यात कलिंगड पिकाला (Watermelon Farming) सर्वात जास्त मागणी असते यामुळे कलिंगड उत्पादक शेतकऱ्यांना (Farmer) याचा मोठा फायदा होतो.
यावर्षी तर राज्यात कलिंगडच्या क्षेत्रात मोठी घट झाली आहे याचे प्रमुख कारण म्हणजे गत दोन वर्ष कोरोनामुळे कलिंगडला चांगला बाजारच मिळाला नाही
. लॉकडाउन असल्यामुळे मागील दोन वर्ष कलिंगड खरेदीसाठी व्यापारी फिरकत देखील नव्हते यामुळे शेतकरी बांधवांना आपले सोन्यासारखे कलिंगड पीक फेकून द्यावे लागले. सलग दोन वर्ष कलिंगड उत्पादक शेतकऱ्यांना (Watermelon Producer Farmer) मोठे आर्थिक नुकसान सहन करावे लागल्याने यावर्षी राज्यात कलिंगडच्या क्षेत्रात मोठी घट झाली आहे.
यामुळे सध्या कलिंगडाला चांगला दर देखील मिळत आहे. यामुळे आज आपण कलिंगड पिकाच्या शेती विषयी थोडीशी माहिती जाणुन घेऊया.
कलिंगडाची शेती भारतात प्रामुख्याने उत्तर प्रदेश राजस्थान कर्नाटक पंजाब आणि हरियाणा राज्यात केली जाते. असे असले तरी महाराष्ट्रातही (Maharashtra) थोड्याफार प्रमाणात का होईना याची शेती बघायला मिळते.
इतर फळपिकांच्या तुलनेत या पिकासाठी कमी खत, पाणी लागते तसेच अल्प कालावधीत काढणीसाठी तयार होत असल्याने कलिंगड पीक हंगामी पीक (Seasonal Crop) म्हणून ओळखले जाते
देशात उन्हाळ्याच्या तोंडावर कलिंगडची लागवड मोठ्या प्रमाणात बघायला मिळते. या काळात देशात मोठ्या प्रमाणात कलिंगडची मागणी असल्याने शेतकरी बांधवांना यातून चांगला नफा मिळतो.
कलिंगड पिकासाठी आवश्‍यक हवामान आणि जमीन कलिंगड लागवड अशा हवामानात करण्याचा सल्ला दिला जातो ज्या ठिकाणी उबदार आणि सरासरी आर्द्रता असते क्षेत्र. अशा हवामानात कलिंगडची लागवड केल्यास त्यापासून चांगले उत्पादन मिळते.
कलिंगडचे पीक सुमारे 25 ते 32 अंश सेल्सिअस तापमानात चांगले विकसित होत असल्याचे सांगितले जाते. कलिंगड पिकाची लागवड वालुकामय तसेच वालुकामय चिकणमाती असलेल्या जमीनीत करण्याचा सल्ला दिला जातो. अशा जमिनीत कलिंगडची लागवड शेतकऱ्यांसाठी फायदेशीर ठरू शकते. तज्ज्ञांच्या मते, गंगा, यमुना आणि नद्यांच्या किनारी बेड तयार करून याची शेती करणे अधिक फायदेशीर आहे.
कलिंगड पिकासाठी पूर्वमशागत कलिंगडची लागवड करण्यापूर्वी जमिनीची पहिली नांगरणी माती फिरवणाऱ्या नांगराने अर्थात पलटी नांगराने करावी. शेत व्यवस्थित समतल करून घ्यावे जेणेकरून शेतात कमी किंवा जास्त पाणी होणार नाही.
नांगरणी झाल्यानंतर चांगल्या दर्जाचे जुने शेणखत जमिनीत टाकावे. यामुळे उत्पादनात भरघोस वाढ होऊ शकते. जमिनीत वाळूचे प्रमाण जास्त असल्यास, वर-वरची वाळू बाजूला सारावी आणि खालच्या जमिनीत कंपोस्ट खत टाका.
लागवड नेमकी केव्हा हवामान व परिस्थितीनुसार कलिंगडची लागवड डोंगराळ, सपाट आणि नदीकाठच्या भागात वेगवेगळ्या महिन्यात केली जाते. उत्तर भारतातील मैदानी शेतजमिनीत फेब्रुवारी आणि मार्चमध्ये कलिंगड लागवड करण्याचा सल्ला दिला जातो. जर कलिंगडची लागवड नद्यांच्या किनारी करायची असेल तर नोव्हेंबर ते मार्च या कालावधीत करावी असा सल्ला दिला जातो. याव्यतिरिक्त डोंगराळ भागात कलिंगडची लागवड मार्च ते एप्रिलमध्ये करावी असा सल्ला दिला गेला आहे.