Unsafe Cars in India : या आहेत देशातील सर्वात असुरक्षित कार, Renault Kwid ते Maruti Swift पर्यंत; जाणून घ्या यादी

Unsafe Cars in India : जर तुम्ही नवीन कार खरेदी करणार असाल तर थोडं थांबा. कारण आज आम्ही तुम्हाला देशात अशा काही गाड्यांबद्दल सांगणार आहे ज्या सर्वात असुरक्षित कार म्ह्णून ओळखल्या जातात. तुम्ही सविस्तर यादी खाली पहा.

Hyundai Grand i10 Nios

या Hyundai कारने ग्लोबल NCAP क्रॅश चाचणीमध्ये प्रौढ प्रवासी सुरक्षितता आणि लहान मुलांच्या संरक्षणासाठी 2-स्टार रेटिंग प्राप्त केले आहे. सुरक्षेच्या वैशिष्ट्यांबद्दल बोलायचे झाल्यास, Grand i10 Nios मानक म्हणून 2 फ्रंट एअरबॅगसह येते. यात समोरच्या प्रवाशांसाठी सीट-बेल्ट प्रीटेन्शनर देखील मिळतात.

Maruti Suzuki Alto K10

मारुती सुझुकी अल्टो K10 ची अलीकडेच ग्लोबल NCAP क्रॅश चाचणी घेण्यात आली आहे. प्रौढ प्रवाशांच्या सुरक्षेसाठी याला 2-स्टार रेटिंग आणि लहान मुलांच्या संरक्षणासाठी 0-स्टार रेटिंग मिळाले. मारुतीची ही परवडणारी कार तुम्हाला सुरक्षिततेच्या दृष्टीने निराश करणारी आहे.

Maruti Suzuki Swift

मारुतीची ही सेडान कार तिची किंमत आणि उपयुक्त वैशिष्ट्यांमुळे खूप पसंत केली जाते. मात्र सुरक्षिततेच्या दृष्टीने ही कार खराब आहे. मारुती सुझुकी स्विफ्टने अद्ययावत ग्लोबल NCAP क्रॅश चाचणीमध्ये प्रौढ प्रवासी सुरक्षा आणि लहान मुलांचे संरक्षण यासाठी 1-स्टार रेटिंग प्राप्त केले आहे.

Renault Kwid

रेनॉल्ट Kwid ही कार लॉन्च होताच लोकांना आवडली. मात्र रेनॉल्‍ट क्विडने अॅडल्ट पॅसेंजर सेफ्टी आणि चाइल्‍ड ऑक्‍युपंट प्रोटेक्‍शनसाठी 1-स्टार रेटिंग मिळवले आहे.

Maruti Suzuki Wagon R

बाजारात मोठ्या प्रमाणात विकली जाणाऱ्या कारपैकी Maruti Suzuki Wagon R कार आहे. पण ग्लोबल एनसीएपीनुसार ती असुरक्षित आहे. मारुती सुझुकी वॅगन आर ला प्रौढ प्रवासी सुरक्षेसाठी 1-स्टार रेटिंग आणि ग्लोबल NCAP मध्ये लहान मुलांच्या सुरक्षेसाठी 0-स्टार रेटिंग मिळाले आहे.

Maruti Suzuki Ignis

मारुतीच्या कॉम्पॅक्ट हॅचबॅकने भारतासाठी अपग्रेड केलेल्या ग्लोबल NCAP क्रॅश चाचणी प्रोटोकॉलमध्ये एकूण 1-स्टार रेटिंग प्राप्त केले आहे. इग्निसने प्रौढ व्यक्तींच्या सुरक्षेमध्ये 1 स्टार आणि लहान मुलांच्या संरक्षणात 0 स्टार मिळवले आहे.

Maruti Suzuki S-Presso

ग्लोबल NCAP क्रॅश चाचण्यांमध्ये, मारुती सुझुकी S-Presso ने ग्लोबल NCAP क्रॅश चाचणी प्रोटोकॉलमध्ये प्रौढ रहिवासी सुरक्षेमध्ये 1 स्टार आणि चाइल्ड ऑक्युपंट प्रोटेक्शनमध्ये 0 स्टार मिळवले आहेत.