Xiaomi Fan Festival : जर तुम्ही Redmi चे चाहते असाल तर ही बातमी खास तुमच्यासाठी आहे. कारण कंपनी आज बाजारात दोन तगडे स्मार्टफोन लॉन्च करणार आहे. या दोन्ही स्मार्टफोनबाबत गेल्या काही दिवसांपासून खूप चर्चा होती.
कंपनी लॉन्च करत असलेल्या स्मार्टफोनचे नाव Redmi 12C आणि Redmi Note 12 आहे. दरम्यान, Xiaomi फॅन फेस्टिव्हल आजपासून सुरू होत आहे. अशा वेळी कंपनी भारतीय वापरकर्त्यांसाठी मोठे सरप्राईस देत आहे.
फॅन फेस्टिव्हलमध्ये कंपनीचे दोन नवीन फोन बाजारात दाखल होणार आहेत. आज लॉन्च होणाऱ्या या फोन्सची नावे आहेत- Redmi 12C आणि Redmi Note 12. कंपनीने एक ट्विट शेअर करून या लॉन्चची माहिती दिली आहे.
ट्विटमध्ये लाल कापडाने झाकलेले दुसरे उपकरण दाखवले आहे. कंपनी लॉन्च इव्हेंटमध्येच या सरप्राईज डिव्हाइसबद्दल खुलासा करेल. तुम्ही Redmi Note 12 आणि Redmi 12C चे लॉन्च इव्हेंट कंपनीच्या फेसबुक पेज आणि यूट्यूब चॅनलवर लाईव्ह पाहू शकता. दुपारी 12 वाजल्यापासून सुरू होईल.
Redmi 12C वैशिष्ट्ये
या आगामी फोनची मायक्रोसाइट कंपनीच्या वेबसाइटवर लाइव्ह आहे. या मायक्रोसाइटमध्ये फोनच्या काही खास वैशिष्ट्यांची माहिती देण्यात आली आहे. कंपनी बिग ऑन स्पीड आणि बिग ऑन स्टाईल यांच्यामार्फत या फोनची जाहिरात करत आहे.
मायक्रोसाइटनुसार, तुम्हाला फोनमध्ये MediaTek Helio G85 प्रोसेसर पाहायला मिळेल, यामध्ये व्हर्च्युअल रॅमसह फोनमध्ये एकूण 11 जीबी रॅम उपलब्ध असेल. फोनमध्ये दिलेला डिस्प्ले 6.71 इंच असेल. फोटोग्राफीसाठी कंपनी फोनमध्ये 50-मेगापिक्सलचा AI ड्युअल रियर कॅमेरा सेटअप देणार आहे. बॅटरीबद्दल बोलायचे झाले तर फोन 5000mAh बॅटरीने सुसज्ज असेल.
Redmi Note 12 वैशिष्ट्ये
लाईव्ह मायक्रोसाइटनुसार, कंपनी या फोनमध्ये प्रीमियम डिझाइन ऑफर करणार आहे. या फोनला आतापर्यंतचा सर्वात स्लीक सुपरनोट म्हटले जात आहे. फोनमध्ये, तुम्हाला 120Hz च्या रिफ्रेश रेटसह सुपर AMOLED डिस्प्ले पाहायला मिळेल.
मल्टी-टास्किंग आणि उत्कृष्ट कामगिरीसाठी, कंपनी यामध्ये 11 GB पर्यंत रॅम ऑफर करणार आहे. फोनमध्ये फोटोग्राफीसाठी 50-मेगापिक्सल कॅमेरा देण्यात आला आहे. यामध्ये कंपनी 5000mAh बॅटरी देणार आहे, जी 33W फास्ट चार्जिंगला सपोर्ट करेल.