7th Pay Commission : दिवाळीपूर्वी सरकारने कर्मचाऱ्यांना दिले मोठे गिफ्ट, आता पगारात होणार ‘इतकी’ वाढ

मोफत मराठी बातम्यांसाठी आमचा ग्रुप जॉईन करा
WhatsApp Group Join Now
Telegram Group Join Now

7th Pay Commission : जर तुम्ही सरकारी कर्मचारी (Government employees) असाल तुमच्यासाठी खुशखबर आहे. कारण बिहारमधील सरकारी कर्मचारी आणि पेन्शनधारकांना (Pensioners) दिवाळीपूर्वी मोठी भेट (Big Gift) देण्यात आली आहे.

नितीश कुमार (Nitish Kumar) यांच्या सरकारने सरकारी कर्मचारी आणि पेन्शनधारकांच्या महागाई भत्त्यात चार टक्क्यांनी वाढ केली आहे. डीए आता 38 टक्के मिळेल. पूर्वी ते 34 टक्के होते. गुरुवारी झालेल्या राज्य मंत्रिमंडळाच्या बैठकीत यासंबंधीच्या प्रस्तावाला मंजुरी देण्यात आली.

मुख्यमंत्री नितीश कुमार यांच्या अध्यक्षतेखाली झालेल्या मंत्रिमंडळ बैठकीत एकूण 21 प्रस्तावांना मंजुरी देण्यात आली. बैठकीनंतर पत्रकारांना माहिती देताना कॅबिनेट सचिवालय विभागाचे अतिरिक्त मुख्य सचिव एस. सिद्धार्थ म्हणाले की, मंत्रिमंडळाच्या बैठकीत सरकारी कर्मचारी आणि कुटुंब निवृत्तीवेतनधारकांच्या महागाई भत्त्यात 4 टक्के वाढ करण्याच्या प्रस्तावाला मंजुरी देण्यात आली. आता त्यांना 34 ऐवजी 38 टक्के महागाई भत्ता मिळणार आहे. 1 जुलै 2022 पासून वैध असेल.

दरम्यान, मंत्रिमंडळाच्या बैठकीत दुष्काळी भागासाठी आकस्मिकता निधीतून 500 कोटी रुपये देण्यास मान्यता देण्यात आल्याची माहिती सिद्धार्थ यांनी दिली. याशिवाय राज्यातील 11 जिल्ह्यांतील 96 तालुक्‍यातील 7841 गावे दुष्काळग्रस्त म्हणून जाहीर करताना, बाधित कुटुंबांना प्रति कुटुंब 3500 रुपयांची मदत देण्यासही मान्यता देण्यात आली आहे.

दारूबंदी विभागात कनिष्ठ सेवेतील विविध विभागातील 905 अतिरिक्त अराजपत्रित पदे निर्माण करण्यास बैठकीत मान्यता देण्यात आली. याशिवाय विविध विद्यापीठांमध्ये शिक्षक, शिक्षकेतर कर्मचाऱ्यांसाठी 1420 यासह अनेक पदांच्या निर्मितीलाही मान्यता देण्यात आली आहे.

विशेष सहाय्यक पोलीस (एसएपी) मध्ये कार्यरत एकूण 3953 निवृत्त सैनिकांच्या कराराचा कालावधी 2022-23 साठी वाढवण्यास बैठकीत मान्यता देण्यात आली आहे. याशिवाय, परिविक्षा संचालनालय, बिहारमध्ये 137 अतिरिक्त लिपिक संवर्गाच्या पदांना मान्यता देण्यात आली आहे.