व्यवसायात सातत्याने नुकसान होत असेल, तर तुम्ही कितीही मेहनत केली तरी अपेक्षित यश हुलकावणी देतं. अशा वेळी केवळ आर्थिक योजना नाही, तर सकारात्मक ऊर्जाही तितकीच महत्त्वाची ठरते. भारतीय परंपरेतील वास्तुशास्त्र हे फक्त घरापुरते मर्यादित नसून, व्यावसायिक स्थळीही त्याचे प्रभावी परिणाम दिसून येतात. योग्य दिशेचा वापर, ऊर्जेचे संतुलन आणि प्रतीके यांमुळे तुमच्या व्यवसायाच्या प्रगतीचा मार्ग मोकळा होऊ शकतो. चला जाणून घेऊया अशाच काही 7 महत्त्वाच्या वास्तु उपायांबद्दल जे तुमच्या व्यवसायात भरभराट घेऊन येतील.
कुबेर देवताची मूर्ती
व्यवसायाच्या ठिकाणी उत्तर दिशा अत्यंत महत्त्वाची मानली जाते. ही दिशा संपत्तीची मानली गेल्याने, याच भागात देवतांपैकी ‘कुबेर’ यांची स्थापना करावी लागते. कुबेर हे धनाचे रक्षक मानले जातात आणि त्यांच्या कृपेमुळे व्यवसायात स्थिरता येते. याच दिशेला भिंतींवर हिरव्या रंगाचे किंवा निसर्गसौंदर्य दाखवणारे चित्र लावले, तर त्या जागेत सकारात्मक ऊर्जा वाढते आणि मन प्रसन्न राहतं.
तिजोरीची दिशा
कॅश काउंटर आणि तिजोरी ही व्यवसायाची आर्थिक केंद्रबिंदू असतात. ती नेहमी उत्तर दिशेला असावी, कारण ही दिशा संपत्ती आकर्षित करते. तिजोरी ठेवताना तिचं तोंड उत्तर दिशेकडे करून ती नैऋत्य दिशेला ठेवणं शुभ मानलं जातं. तसेच, कॅश लॉकरसमोर आरसा लावल्यास, ते धन दुप्पट होईल अशी समजूत आहे. पण या आरशात कोणतीही तुटलेली काच नसावी, कारण अशा गोष्टी नकारात्मक ऊर्जा निर्माण करतात.
मुख्य दरवाजा
ऑफिसचा मुख्य दरवाजा हा देखील फार महत्त्वाचा असतो. उत्तर, ईशान्य किंवा पूर्व दिशेला असलेला दरवाजा लक्ष्मीचा प्रवेश सहज करतो असं मानलं जातं. दरवाजा स्वच्छ आणि अडथळ्याविना असावा, कारण तोच ऊर्जेचा प्रवेशद्वार असतो.
मनी प्लांट
कामाच्या ठिकाणी थोडीशी हिरवळ असणं मनाला तर प्रसन्न करतंच, पण ती आर्थिक दृष्टिकोनातूनही लाभदायक ठरते. मनी प्लांट, लकी बॅम्बू किंवा जेड प्लांटसारखी शुभ चिन्हं दाखवणारी झाडं ऑफिसमध्ये ठेवावीत. मात्र काटेरी झाडं टाळावीत, कारण ती तणाव आणि मतभेद निर्माण करतात.
कॉन्फरन्स रूमची दिशा
कार्यालयात विचारविनिमयासाठी जी जागा असते, म्हणजेच कॉन्फरन्स रूम, ती शक्यतो वायव्य किंवा पश्चिम दिशेला असावी. या दिशांमध्ये शांत आणि स्थिर विचारांची देवाण-घेवाण सहज होते. याउलट ही खोली नैऋत्य दिशेला असेल, तर मतभेद आणि गोंधळाची शक्यता वाढते.
शेवटी, प्रत्येक व्यवसायात एक अध्यात्मिक आधार असणंही तितकंच गरजेचं आहे. ऑफिसमध्ये एक लहान मंदिर असणं, आणि दररोज सकाळी त्याची स्वच्छता करून धूप किंवा दिवा लावणं, या छोट्याशा कृतीमुळे त्या जागेचे संपूर्ण वातावरण शुद्ध होते. दिवसभराच्या कामाला सकारात्मक सुरुवात मिळते.
