सध्या सुट्ट्यांचा काळ सुरु असून आपणही फॅमिलीसोबत फिरायला जाण्याचा प्लॅन करत असाल तर त्यापूर्वी आम्ही तुम्हाला काही सुंदर हिल स्टेशनबाबत माहिती देणार आहोत.
तवांग, अरुणाचल प्रदेश:- तवांग हे देशातील सर्वात स्वच्छ हिल स्टेशनपैकी एक आहे, जे सुमारे 3040 मीटर उंचीवर आहे.
सुंदर मठ :- तवांग हे अनेक महत्त्वाच्या आणि सुंदर मठांसाठी ओळखले जाते, हे हिल स्टेशन 6 व्या दलाई लामा, त्सांगयांग ग्यात्सो यांचे जन्मस्थान म्हणून प्रसिद्ध आहे.
कौसानी, उत्तराखंड:- कौसानी येथील हिमालयाच्या सुंदर दृश्यात त्रिशूल, नंदा देवी आणि पांचुली शिखरे अतिशय विलोभनीय दिसतात.
प्रसिद्ध ट्रॅक :- कौसानी येथे हिवाळ्याच्या महिन्यांत बर्फवृष्टी होते, येथे कैलास ट्रेक, बेस कौसानी ट्रेक आणि बागेश्वर-सुंदर धुंडा ट्रेक हे येथील काही लोकप्रिय ट्रेक आहेत.
कुन्नूर, तामिळनाडू :- तीन सुंदर निलगिरी हिल स्टेशनपैकी एक, कुन्नूर हे पश्चिम घाटातील दुसरे सर्वात मोठे हिल स्टेशन आहे.
हाफलांग, आसाम :- आसाम राज्य हाफलॉन्ग या एकमेव हिल स्टेशनसाठी ओळखले जाते, ज्यामध्ये हाफलांग हिल आणि हाफलांग सरोवर यांसह अनेक ठिकाणे पाहण्यासारखी आहेत.
इडुक्की, केरळ :- इडुक्की हा केरळमधील निसर्गसंपन्न प्रदेशांपैकी एक आहे, त्याच्या अर्ध्याहून अधिक क्षेत्रफळ जंगलांनी व्यापलेले आहे.