Facebook Account Hack: आपल्यापैकी बरेच जण फेसबुक (Facebook) वापरतात. यात बरीच वैयक्तिक माहिती देखील असते.पण तो हॅक झाल्यावर समस्या येते.
फेसबुक अकाउंट हॅक (Facebook account hacked) करून तुमचा डेटा आणि फोटोंचा गैरवापर होऊ शकतो.तसेच हे नवीन नाही.तुम्ही अनेक मित्रांच्या फेसबुक पोस्ट पाहिल्या असतील ज्यात ते अकाउंट हॅक झाल्याबद्दल बोलतात.
पण फेसबुक अकाउंट हॅक झाल्यानंतरही तुम्ही ते रिकव्हर करू शकता. यासाठी तुम्हाला काही सोप्या टिप्स फॉलो कराव्या लागतील.
जर तुमच्या Facebook खात्याचा ईमेल (Email) किंवा पासवर्ड बदलला असेल तर तुम्ही सावधगिरी बाळगणे आवश्यक आहे. याशिवाय जर तुम्ही लिहिलेले नसलेले मेसेज किंवा पोस्ट्स तुम्हाला दिसत असतील तर तुमचे अकाउंट हॅक झाल्याचे समजावे.
अकाऊंट हॅक झाल्याचे समजताच, प्रथम तुम्हाला तुमचा पासवर्ड बदलावा लागेल. यासाठी तुम्हाला सेटिंग्ज आणि प्रायव्हसी (Settings and privacy) मध्ये जावे लागेल. यानंतर पासवर्ड आणि सिक्युरिटी निवडावी लागेल. त्यानंतर चेंज पासवर्ड वर क्लिक करा. यामध्ये तुम्हाला जुना पासवर्डही टाकावा लागेल.
पासवर्ड आणि सिक्युरिटी (Password and security) पेजवर तुम्ही तुमचे खाते कुठे लॉग इन केले आहे ते देखील तपासू शकता. यासाठी तुम्हाला व्हेअर यू आर लॉग इन वर क्लिक करावे लागेल. यापैकी कोणतेही डिव्हाइस तुमचे नसल्यास, तुम्ही ते त्वरित काढून टाकावे.
त्यानंतर संशयास्पद लॉगिन (Suspicious login) वर क्लिक करा. त्यानंतर तुम्हाला खाते सुरक्षित करण्यासाठी सुरक्षित खाते वर क्लिक करावे लागेल. यानंतर तुम्हाला फेसबुकने नमूद केलेल्या सर्व स्टेप्स फॉलो कराव्या लागतील. तुम्ही फेसबुक सपोर्ट पेजचीही मदत घेऊ शकता. यासाठी तुम्हाला पासवर्ड आणि सिक्युरिटी पेजवर जाऊन Get Help वर जावे लागेल. यानंतर तुमचे खाते हॅक झाले असेल तर त्याची तक्रार करा.
जर हॅकरने तुमच्या फेसबुक अकाउंटमधून लॉग आउट केले असेल तर तुम्हाला Facebook.com/hacked वर जावे लागेल. येथे तुम्हाला फेसबुक अकाउंटशी लिंक केलेला मोबाईल नंबर टाकावा लागेल. जर हा क्रमांक तुमच्या नोंदणीकृत क्रमांकाशी जुळत असेल, तर Facebook तुम्हाला खात्यात पुन्हा प्रवेश मिळवण्यास मदत करेल.