Sarkari Yojana Information : मोदी सरकारकडून (Modi Goverment) देशातील नागरिकांच्या भविष्यासाठी अनेक निर्णय घेतले जातात. तसेच अजूनही विविध योजना (Yojana) मोदी सरकार आणत आहे. मोदी सरकारकडून आता पती-पत्नीलाही दरमहा पेन्शन (Pension) मिळणार आहे.
कमी गुंतवणुकीत पेन्शनची हमी देण्यासाठी वृद्धापकाळासाठी अटल पेन्शन योजना (Atal Pension Scheme) हा एक चांगला पर्याय आहे. सरकारच्या या योजनेअंतर्गत पती-पत्नी दोघांनाही पेन्शनचा लाभ मिळू शकतो.
पती-पत्नी दोघांनीही सरकारच्या अटल पेन्शन योजनेत स्वतंत्रपणे गुंतवणूक केली, तर दरमहा 10 हजार रुपये पेन्शन मिळू शकते. अटल पेन्शन योजनेंतर्गत 60 वर्षांनंतर मासिक 1000 ते 5000 रुपये पेन्शन देण्याची हमी सरकार देते. सरकारच्या या योजनेत 40 वर्षांपर्यंतच्या सर्व व्यक्ती अर्ज करू शकतात.
60 नंतर वार्षिक 60,000 रुपये पेन्शन दिली जाईल
या योजनेंतर्गत दर महिन्याला खात्यात निश्चित योगदान दिल्यानंतर निवृत्तीनंतर 1 हजार ते 5 हजार रुपये मासिक पेन्शन मिळेल. दर 6 महिन्यांत केवळ 1239 रुपये गुंतवल्यानंतर, सरकार दरमहा 5000 रुपये म्हणजेच 60 वर्षांच्या वयानंतर वार्षिक 60,000 रुपये आजीवन पेन्शनची हमी देत आहे.
दरमहा 210 रुपये द्यावे लागतील
सध्याच्या नियमांनुसार, वयाच्या 18 व्या वर्षी, मासिक पेन्शनसाठी योजनेत जास्तीत जास्त 5000 रुपये जोडल्यास, तुम्हाला दरमहा 210 रुपये द्यावे लागतील. हेच पैसे दर तीन महिन्यांनी दिले तर ६२६ रुपये आणि
सहा महिन्यांत १,२३९ रुपये द्यावे लागतील. मासिक 1,000 रुपये पेन्शन मिळवण्यासाठी, तुम्ही वयाच्या 18 व्या वर्षी गुंतवणूक केल्यास, तुम्हाला दरमहा 42 रुपये द्यावे लागतील.
तरुण वयात सामील झाल्यास अधिक फायदे मिळतील
समजा तुम्ही वयाच्या 35 व्या वर्षी 5 हजार पेन्शनसाठी सामील झालात तर 25 वर्षांसाठी तुम्हाला दर 6 महिन्यांनी 5,323 रुपये जमा करावे लागतील. अशा परिस्थितीत तुमची एकूण गुंतवणूक 2.66 लाख रुपये असेल,
ज्यावर तुम्हाला 5 हजार रुपये मासिक पेन्शन मिळेल. तर वयाच्या १८ व्या वर्षी जॉईन झाल्यावर तुमची एकूण गुंतवणूक फक्त १.०४ लाख रुपये असेल. म्हणजेच, त्याच पेन्शनसाठी सुमारे 1.60 लाख रुपये अधिक गुंतवावे लागतील.
