Flight Bomb Threat : जेट 2 (Jet 2) च्या विमानातील एक धक्कादायक घटना समोर आली आहे. या विमानातील एका महिलेने धार्मिक घोषणा देत कपडे काढून बॉम्बची धमकी (Bomb Threat) दिली आहे.
हे संपूर्ण प्रकरण जेट 2 विमान कंपनीच्या विमानाचे आहे जे लार्नाकाहून मँचेस्टरला (Manchester) जात होते. विमानात कपडे काढून धार्मिक घोषणा देणारी ही महिला विमानात स्फोटके असल्याचा दावा करत होती.
महिलेने विमानात बॉम्ब असल्याचा दावा केल्यानंतर सर्व प्रवासी (Passengers) घाबरले. महिला कॉकपिटमध्ये प्रवेश करण्याचा प्रयत्न केले, परंतु विमानातील एका व्यक्तीने महिलेला पकडले.
फिलीप ओब्रायन (Philip O’Brien) असे या महिलेवर नियंत्रण ठेवणाऱ्या व्यक्तीचे नाव असून तो 35 वर्षांचा आहे. विमानात त्यांनी क्रू मेंबर्सला (Crew members) महिलेला पकडण्यात मदत केली.
विमानात गोंधळ निर्माण करणारी महिला 30 वर्षांची आहे. जेट 2 च्या जेटमध्ये बॉम्ब असल्याचा आरोप त्यांनी केला होता आणि मुलांना मृत्यूसाठी तयार राहण्यास सांगितले होते.
तिचे आई-वडील ISIS या दहशतवादी संघटनेचे (Terrorist organization) सदस्य असल्याचा महिलेचा दावा आहे. महिलेने गोंधळ घातल्यानंतर विमान वळवून पॅरिसमध्ये उतरवण्यात आले.
त्यानंतर महिलेला सुरक्षा अधिकाऱ्यांनी चौकशीसाठी पकडले. या महिलेला पकडणाऱ्या फिलिप ओब्रायनची ड्रेनेज फर्म असून तो पूर्वी सुरक्षा रक्षक म्हणून काम करत होता.
या विमानात तो त्याच्या कुटुंबासह होता ज्यात त्याची पत्नी आणि मुले होती. ओब्रायन म्हणाले की विमानात सर्व काही सामान्य होते.
यादरम्यान एका महिलेने आपले कपडे काढले आणि सीटच्या दरम्यानच्या जागेत आरडाओरडा करण्यास सुरुवात केली. ही महिला धार्मिक घोषणा देत कॉकपिटमध्ये प्रवेश करण्याचा प्रयत्न करत होती.
त्यांनी सांगितले की विमानात प्रवास करणारे प्रवासी घाबरले होते आणि ओरडत होते. फ्लाइट कंपनीनेही याला दुजोरा दिला आहे. ही परिस्थिती हाताळल्याबद्दल कंपनीने आपल्या कर्मचाऱ्यांचे आभार मानले आहेत.
यासोबतच कंपनीने प्रवाशांची माफीही मागितली आहे. ही बाब 9 ऑगस्टची असल्याचे सांगण्यात येत आहे. जर तिने तसे केले नसते तर फ्लाइटमध्ये स्फोट झाला असता असे महिलेने सांगितले आहे.
