IMC 2022 : 5G ची घोषणा (5G announcement) झाल्यापासून वापरकर्ते (Users) 5G सेवेचा (5G service) आनंद घेण्यासाठी उत्सुक झाले आहेत. येत्या 1 ऑक्टोबरपासून म्हणजेच उद्यापासून देशात 5G सेवा सुरु होणार आहे.
देशाचे पंतप्रधान नरेंद्र मोदी (PM Narendra Modi) यांच्या हस्ते या सेवेचा शुभारंभ होणार आहे. ही सेवा (5G) सुरु झाल्यानंतर वापरकर्त्यांना 10 पट जास्त इंटरनेट स्पीड मिळेल.
2023 मध्ये देशातील 100 दशलक्षाहून अधिक लोकांना 5G सेवा वापरायची आहे. या लोकांकडे स्मार्टफोन देखील आहेत जे 5G नेटवर्कसाठी तयार आहेत. यातील बहुतांश ग्राहक 5G सेवेसाठी 45 टक्क्यांपर्यंत अधिक पैसे देण्यासही तयार आहेत.
इंडिया मोबाइल काँग्रेस 2022
4 दिवसीय इंडिया मोबाईल काँग्रेस (IMC) कार्यक्रम 1 ऑक्टोबरपासून दिल्लीतील प्रगती मैदानावर सुरू होत आहे. दूरसंचार विभाग आणि भारतीय सेल्युलर ऑपरेटर असोसिएशन (COAI) संयुक्तपणे IMC 2022 च्या सहाव्या आवृत्तीचे अनावरण करतील.
कार्यक्रमात पुन्हा एकदा, नवीन तांत्रिक नवकल्पनांना आणि स्टार्टअपला प्रोत्साहन देण्यावर सविस्तर चर्चा होऊ शकते.2022 साठी या कार्यक्रमाची थीम न्यू डिजिटल युनिव्हर्स (New Digital Universe) आहे, जी विकसित डिजिटल भारतासाठी स्टार्टअप्स आणि नवकल्पना यांना प्रोत्साहन देण्याच्या उद्देशाने कार्य करेल.
IMC 2022 मध्ये 70 हजारांहून अधिक लोक उपस्थित राहण्याची अपेक्षा आहे. या कार्यक्रमात देशातील सर्वात मोठे तंत्रज्ञान प्रदर्शनही भरवले जाणार आहे.
या शहरांमध्ये प्रथम सेवा उपलब्ध होईल
आयटी मंत्री अश्विनी वैष्णव यांनी काही दिवसांपूर्वी एक विधान जारी केले होते की 5G हळूहळू देशात वेगवेगळ्या टप्प्यात सुरू केले जाईल. पहिल्या टप्प्यासाठी, 13 शहरांची निवड करण्यात आली आहे जिथे 5G प्रथम लॉन्च केले जाईल.
यामध्ये दिल्ली, मुंबई, कोलकाता इत्यादी मेट्रो शहरांचा समावेश आहे. त्यानंतर दोन वर्षांत 5G कनेक्टिव्हिटी देशभरात वेगाने विस्तारली जाईल.पहिल्या टप्प्यात अहमदाबाद, बेंगळुरू, चंदीगड, चेन्नई, दिल्ली, गांधीनगर, गुरुग्राम, हैदराबाद, जामनगर, कोलकाता, लखनौ, मुंबई आणि पुणे या 13 शहरांमध्ये 5G कनेक्टिव्हिटी सुरू केली जाईल.
तीन वर्षांत 5G देशाच्या कानाकोपऱ्यात पोहोचेल
आयटी मंत्री अश्विनी वैष्णव यांच्या मते, येत्या दोन ते तीन वर्षांत 5G देशाच्या प्रत्येक भागात पोहोचेल. त्याची किंमत कमी राहील याचीही आम्ही खात्री करू. 5G सेवांच्या विस्तारासाठी दूरसंचार उद्योग शहरी आणि ग्रामीण अशा दोन्ही भागांवर लक्ष केंद्रित करत आहे. पहिल्या टप्प्यानंतर छोटी शहरेही या सेवेशी जोडली जातील.
1 ऑक्टोबर रोजी 5G लॉन्च झाल्याच्या अफवा खऱ्या होत्या
24 सप्टेंबर रोजी देशात 5G लाँच झाल्याची बातमी व्हायरल झाली होती, ज्यात दावा केला होता की 1 ऑक्टोबर रोजी देशात 5G लाँच केले जाईल आणि ते पंतप्रधान नरेंद्र मोदी लॉन्च करतील.
वास्तविक, हे ट्विट नॅशनल ब्रॉडबँड मिशनने (NBM) केले होते. या ट्विटमध्ये दावा करण्यात आला आहे की, पंतप्रधान मोदी 1 ऑक्टोबर रोजी इंडिया मोबाइल काँग्रेसमध्ये 5G लाँच करतील. मात्र, नंतर NBM च्या ट्विटर हँडलवरून हे ट्विट हटवण्यात आले. आता ही बातमी खरी ठरत आहे.
