Multibagger Stock : भारतीय शेअर बाजारात गेल्या काही महिन्यांपासून सातत्याने घसरण होत आहे. खरे तर सध्या शेअर बाजारात लिस्टेड असणाऱ्या कंपन्यांकडून आपल्या तिमाही निकाल जाहीर केले जात आहेत. तसेच काही कंपन्यांकडून बोनस शेअर्स आणि डिव्हीडंड सुद्धा दिला जात आहे.
मात्र त्यामुळे सध्या शेअर बाजारात काही कंपन्यांचे स्टॉक फोकस मध्ये आहेत. मात्र असे असतानाही शेअर बाजारात होणाऱ्या घसरणीचा गुंतवणूकदारांना मोठा फटका बसतोय.
दुसरीकडे गेल्या काही वर्षांमध्ये काही कंपन्यांच्या शेअर्सने आपल्या गुंतवणूकदारांना मालामाल बनवले आहे. दरम्यान आज आपण अशाच एका स्टॉक ची माहिती पाहणार आहोत ज्याने गेल्या काही वर्षांमध्ये गुंतवणूकदारांना करोडो रुपयांचा परतावा दिला आहे.
एका मल्टिबॅगर शेअरनं फक्त चार वर्षांच्या काळात आपल्या गुंतवणूकदारांना करोडपती बनवल आहे. लॉयड्स मेटल्स अँड एनर्जी लिमिटेड या कंपनीच्या स्टॉकने आपल्या गुंतवणूकदारांना गेल्या चार वर्षांच्या काळात दहा हजार टक्क्याहून अधिकचे रिटर्न दिले आहेत.
अशा परिस्थितीत आज आपण या स्टॉकची शेअर बाजारातील सध्याची स्थिती आणि गेल्या काही वर्षांमध्ये स्टॉकने आपल्या गुंतवणूकदारांना किती परतावा दिला आहे याचा आढावा घेण्याचा प्रयत्न करणार आहोत.
लॉयड्स मेटल्स अँड एनर्जी लिमिटेडच्या स्टॉकची सध्याची स्थिती
हा स्टॉक या आठवड्यात ग्रीन झोन मध्ये असून आत्तापर्यंत या स्टॉक मध्ये सहा टक्क्यांची तेजी दिसून आली आहे. परंतु 21 फेब्रुवारी 2025 रोजी या स्टॉक च्या किमती थोड्या कमी झाल्या आहेत. हा स्टॉक काल 0.13 टक्क्यांनी घसरला असून सध्या हा स्टॉक 1193.90 रूपयांवर ट्रेड करतोय.
मात्र या स्टॉकने गेल्या एका वर्षाच्या काळात दुपटीहून अधिक रिटर्न दिले आहेत. वर्षभरापूर्वी हा स्टॉक 570.70 रुपयांवर होता मात्र आता या स्टॉक ची किंमत 1193.90 रुपयांवर आला आहे. अर्थातच वर्षभरापूर्वी ज्याने या स्टॉक मध्ये एक लाख रुपये गुंतवले असतील त्या गुंतवणूकदाराची सध्याची गुंतवणूक ही दोन लाख रुपयांपेक्षा जास्त झाली असेल.
लॉंग टर्म मध्ये दिलाय जबरदस्त परतावा
या शेअरनं गेल्या चार वर्षांमध्ये आपल्या गुंतवणूकदारांना 10000 टक्क्याहून अधिकचे रिटर्न दिले आहेत. चार वर्षांपूर्वी हा स्टॉक पंधरा रुपयांपेक्षा कमी किमतीवर ट्रेड करत होता.
चार वर्षांपूर्वी याची किंमत 11.48 रुपये एवढी होती. म्हणजे चार वर्षात या स्टॉकने दहा हजार तीनशे रुपयांचे रिटर्न दिले आहेत. म्हणजेच चार वर्षांपूर्वी जर तुम्ही या स्टॉक मध्ये एक लाख रुपये गुंतवले असतील तर आत्ता तुमची ही गुंतवणूक एक कोटी रुपयांची झाली असेल.
दुसरीकडे गेल्या तीन वर्षात या स्टॉक ने आपल्या गुंतवणूकदारांना 881% परतावा दिला आहे. म्हणजेच तीन वर्षांपूर्वी जर तुम्ही यात एक लाख रुपये गुंतवले असतील तर आत्ता तुमची ही गुंतवणूक 10 लाख रुपयांची झाली असेल.
