Pune Ring Road Project : पुणे आणि पिंपरी चिंचवड शहरातील वाहतूक कोंडीचा प्रश्न कायमचा निकाली निघावा यासाठी पुणे रिंग रोड प्रकल्प प्रस्तावित करण्यात आला आहे. राज्य रस्ते विकास महामंडळाकडून बाह्य रिंग रोड विकसित केला जाणार आहे तर पुणे महानगर प्रदेश विकास प्राधिकरणाकडून इनर रिंग रोडचे काम हाती घेण्यात आले आहे.
खरेतर, हे दोन्ही रिंग रोड पूर्ण झाल्यानंतर शहरातील वाहतूक कोंडी बऱ्यापैकी कमी होणार आहे. दरम्यान आता पुणे महानगर प्रदेश विकास प्राधिकरणाच्या रिंग रोड प्रकल्पासंदर्भात एक महत्त्वाचे काम सुरू झाले आहे.
इनर रिंग रोड साठी काही गावांमध्ये जमीन मोजणीची प्रक्रिया सुरू झाली असून यामुळे या प्रकल्पाच्या कामाला गती मिळाली आहे. पुणे महानगर प्रदेश विकास प्राधिकरण अंतर्गत विकसित होणाऱ्या इनर रिंग रोड प्रकल्पात बाधित होणाऱ्या गावांमधील जमीन मोजणीचे टप्पे जिल्हा प्रशासनाकडून निश्चित करण्यात आले आहेत.
यानुसार, वडाचीवाडी या गावातील 16.5 हेक्टर जागेची मोजणी करण्यात आली आहे. महत्त्वाची बाब अशी की या प्रकल्पासाठी आवश्यक असणाऱ्या जमीन मोजणी प्रक्रियेला सुरुवात झाल्यानंतर जमीन मालकांकडून जिल्हा प्रशासनाला संमतीपत्र देण्यासही सुरुवात झाली आहे.
काय आहेत डिटेल्स
इनर रिंग रोड प्रकल्प बाबत बोलायचं झालं तर हा 83 किलोमीटर लांबीचा प्रकल्प आहे. या प्रकल्पासाठी जवळपास 14,200 कोटी रुपयांचा खर्च अपेक्षित आहे. त्यासाठी तेरा गावांमधील 115 हेक्टर जमिनीचे संपादन जिल्हा प्रशासनाकडून करण्यात यावे असा प्रस्ताव पुणे महानगर प्रदेश विकास प्राधिकरणाकडून देण्यात आला होता.
त्यानुसार आता या प्रकल्पासाठी जमिनीची मोजणी सुरू झाली आहे. महत्त्वाचे म्हणजे या प्रकल्पासाठी आवश्यक असणाऱ्या जमिनीच्या भूसंपादनासाठी जिल्हा प्रशासनाला 113 कोटी रुपयांचा निधी पीएमआरडीए करून दिला जाणार असून यापैकी 30 टक्के रक्कम ही जिल्हा अधिकारी कार्यालयाकडे वर्ग सुद्धा करण्यात आली आहे.
आम्ही आपणास सांगू इच्छितो की इनर रिंग रोड प्रकल्पासाठी वडाची वाडी, भिलारेवाडी, पिसोळी, येवलेवाडी, मांगडेवाडी, गुजर-निंबाळकरवाडी, जांभूळवाडी, आंबेगाव खुर्द, निगरुडी, कदमवाकवस्ती, सोलू आणि वडगाव शिंदे या तेरा गावांमध्ये जमीन भूसंपादनाचा प्रस्ताव जिल्हाधिकारी कार्यालयाकडे सादर झाला आहे.
म्हणजेच जिल्हाधिकारी कार्यालयाच्या माध्यमातून या संबंधित तेरा गावांमध्ये आता जमिनीची मोजणी होणार आहे. नक्कीच पुणे रिंग रोड प्रकल्पाच्या संदर्भातील हे एक महत्त्वाचे काम असून यामुळे प्रकल्पाच्या कामाला वेग येणार आहे.
