Property Rights 2025 : सासरच्या संपत्तीवर सुनेचा हक्क असतो का? हा प्रश्न अनेकांच्या माध्यमातून उपस्थित होत असतो. याबाबत तज्ञांकडून वारंवार मार्गदर्शनही दिले जाते. आज आपण सासू आणि सासऱ्याच्या संपत्तीवर सुनेचा किती अधिकार असतो? कोणत्या प्रकरणात सुनेला सासू आणि सासऱ्याच्या संपत्तीवर अधिकार मिळत नाही किंवा अधिकार मिळतो? याच मुद्द्यांची माहिती जाणून घेण्याचा प्रयत्न करणार आहोत.
खरेतर, आपल्या देशात न्यायालयात सर्वात जास्त प्रकरणे संपत्तीशी निगडित असतात. संपत्तीवाटपाशी संबंधित अनेक कायदेशीर अडचणी आणि प्रकरणं आपल्या समोर येत असतात.
महत्त्वाचे म्हणजे या संपत्ती वाटपाशी काही प्रकरणे अगदी गुंतागुंतीची होतात आणि अशा प्रकरणांमध्ये मोठ्या प्रमाणात भांडण होतात अन हाणामारी होतात. दरम्यान, आज आपण एक नेहमीचा आणि चर्चेचा मुद्दा म्हणजे सुनेला सासरच्या संपत्तीत हक्क आहे का ? या प्रश्नाचे उत्तर जाणून घेण्याचा प्रयत्न करणार आहोत.
खरेतर, सातारकर च्या लोकांच्या संपत्तीवर सुनेचा अधिकार आहे की नाही याबाबत अनेकांची मतं वेगळी आहेत. मात्र कायद्याचा दृष्टिकोन याबाबत अगदीच स्पष्ट आहे. म्हणून आज आपण या गुंतागुंतीच्या प्रकरणावर कायदा नेमका काय सांगतो? हे समजून घेणार आहोत.
कायदा काय सांगतो?
जाणकार लोकांनी दिलेल्या माहितीनुसार भारतीय कायद्यात सासू-सासर्‍यांच्या संपत्तीवरील सुनेच्या अधिकाराबाबत स्पष्टपणे उल्लेख आहे. यानुसार, सासू-सासऱ्यांच्या स्वअर्जित संपत्तीवर सुनेचा थेट हक्क नसतो. म्हणजेच, जर सासू-सासऱ्यांनी त्यांच्या संपत्तीसंदर्भात कोणतंही मृत्यूपत्र किंवा करार केलेला नसेल, तर सून त्या संपत्तीवर दावा करू शकत नाही.
तिचा या संपत्तीशी संबंध केवळ पतीच्या माध्यमातून असतो. सोप्या भाषेत बोलायचं झालं तर सुनेचा आपल्या सासू-सासऱ्यांच्या स्वअर्जित संपत्तीत कोणताच थेट अधिकार नसतो पण तिला तिच्या आपल्या पतीच्या माध्यमातून अशा संपत्तीत अधिकार मिळू शकतो.
यामध्ये आणखी एक महत्त्वाची बाब म्हणजे, जर पतीच्या नावावर वडिलोपार्जित संपत्ती येत असेल, आणि ती संपत्ती पतीकडून पत्नीला हस्तांतरित केली गेली, तरच ती सासरच्या मालमत्तेत आपला अधिकार सांगू शकते. अन्यथा, तिला अशा मालमत्तेवर सुद्धा थेट हक्क मिळत नाही. याबाबत माननीय सर्वोच्च न्यायालयाने सुद्धा काही प्रकरणात महत्त्वाचा निकाल दिला आहे.
माननीय सर्वोच्च न्यायालयाने आपल्या काही निकालांमध्ये असे स्पष्ट केले आहे की, सून सासरच्या घरी केवळ तिच्या वैवाहिक नात्यामुळे राहू शकते, परंतु ती त्या घरावर मालकी हक्क सांगू शकत नाही. सासू-सासऱ्यांनी जर स्वतःच्या इच्छेने मृत्यूपत्र तयार करून सुनेला काही हिस्सा दिला, तरच तो कायदेशीर ठरतो. यासाठी कोणत्याही प्रकारची सक्ती केली जाऊ शकत नाही.
एकंदरीत भारतीय कायद्याने मुलींना जसा वडिलांच्या संपत्तीत थेट अधिकार दिलेला आहे तसा अधिकार सुनेला आपल्या सासू-सासऱ्यांच्या संपत्तीत दिलेला नाही. पण इथे पत्नी आपल्या पतीच्या माध्यमातून सासू-सासर्‍यांच्या संपत्तीवर दावा करू शकते. म्हणजे पतीला आपल्या पतीच्या संपत्तीत अधिकार मिळतो मात्र यासाठी देखील साहजिकच अटी आणि शर्ती लागू आहेत.
