Bank Of Baroda FD Scheme : आरबीआय अर्थातच रिझर्व बँक ऑफ इंडिया ने नुकत्याच काही दिवसांपूर्वी रेपो रेटमध्ये बदल केले आहेत. आरबीआयने रेपो रेट 6.25 टक्क्यांवरून सहा टक्क्यांपर्यंत कमी केले आहेत. नव्या आर्थिक वर्षाच्या अगदी सुरुवातीलाच आरबीआयने रेपो रेट मध्ये कपात केली आहे.
दरम्यान आरबीआयच्या निर्णयानंतर देशातील अनेक बँकांनी आपल्या व्याजदरात बदल केला आहे. FD व्याजदरासोबतच बँकांच्या माध्यमातून होम लोन कार लोन अशा विविध प्रकारच्या कर्जाच्या व्याजदरातही बदल केला जात आहे.
बँक ऑफ बडोदा ने देखील आपल्या एफ डी व्याजदरात बदल केले आहे. दरम्यान जर तुम्ही बँक ऑफ बडोदा या सरकारी बँकेत एफडी करण्याच्या तयारीत असाल तर तुमच्यासाठी आजची बातमी कामाची ठरणार आहे.
आज आपण बँक ऑफ बडोदा च्या बारा महिन्यांच्या एफडी योजनेची माहिती पाहणार आहोत. या योजनेत चार लाखाची गुंतवणूक केल्यास ग्राहकांना किती रिटर्न मिळणार याचे कॅल्क्युलेशन आता आपण समजून घेणार आहोत.
कशी आहे BOB ची 12 महिन्यांची FD Scheme?
बँकेकडून प्राप्त झालेल्या माहितीनुसार सध्या बँक ऑफ बडोदा बारा महिन्यांच्या एफडीवर आपल्या सामान्य ग्राहकांना 6.85% दराने परतावा देत आहे. दरम्यान याच कालावधीच्या एफडी योजनेत गुंतवणूक करणाऱ्या जेष्ठ नागरिक ग्राहकांना बँकेकडून अधिकचा परतावा दिला जातोय.
बँक ऑफ बडोदाच्या बारा महिन्यांच्या एफ डी योजनेत गुंतवणूक करणाऱ्या 60 वर्षांवरील अधिक वय असणाऱ्या ज्येष्ठ नागरिकांना 7.35 टक्के दराने व्याज दिले जात आहे. दरम्यान आता आपण बँक ऑफ बडोदा च्या बारा महिन्यांचे एफ डी योजनेत चार लाखांची गुंतवणूक केल्यास किती रिटर्न मिळणार याचे कॅल्क्युलेशन समजून घेणार आहोत.
किती रिटर्न मिळणार?
मिळालेल्या माहितीनुसार बँक ऑफ बडोदा च्या बारा महिन्यांच्या एफडी योजनेत एखाद्या सामान्य ग्राहकाने चार लाख रुपयांची गुंतवणूक केली तर त्याला 6.85% दराने चार लाख 28 हजार 112 रुपये मिळणार आहेत म्हणजेच 28,112 रुपये संबंधित ग्राहकाला व्याज स्वरूपात रिटर्न मिळतील.
तसेच जर याच कालावधीच्या एफडी योजनेत सीनियर सिटीजन ग्राहकाने म्हणजेच 60 वर्षांवरील जेष्ठ नागरिकांनी चार लाखाची गुंतवणूक केली तर त्यांना 7.35% दराने चार लाख तीस हजार 220 रुपये मिळणार आहेत म्हणजेच 30,220 रुपये व्याज स्वरूपात रिटर्न मिळणार आहेत.
