संध्याकाळचा काळ म्हणजे दिवसभराच्या गडबडीनंतरचा एक शांत क्षण. सूर्य मावळताना सृष्टीत एक विशिष्ट शांतता आणि पवित्रता पसरते. भारतीय संस्कृतीत आणि विशेषतः वास्तुशास्त्रात संध्याकाळी काही विशिष्ट नियमांचं पालन केलं जातं, जे केवळ श्रद्धेवर आधारित नाहीत, तर घरातील वातावरण आणि मानसिक स्वास्थ्यावरही परिणाम करतात.
झाडू मारणं टाळा
वास्तुशास्त्र सांगतं की सूर्यास्तानंतर घरात झाडू मारणं टाळावं. झाडू म्हणजे घराची उर्जा साफ करणारी गोष्ट. संध्याकाळी झाडू मारल्याने सकारात्मक ऊर्जा घराबाहेर जात असल्याचं मानलं जातं. याशिवाय, ही देवी लक्ष्मीची कृपा दूर करू शकते असंही मानतात. त्यामुळे झाडू नेहमी सकाळी किंवा दिवसा मारणं अधिक योग्य ठरतं.
कचरा
अशाच प्रकारे सूर्य मावळल्यानंतर घरातील कचरा बाहेर टाकणं देखील टाळावं असं शास्त्र सांगतं. कारण घराबाहेर कचरा टाकणं म्हणजे घरातील समृद्धी आणि शांततेचं बाहेर जाणं. यामुळे आर्थिक अडचणी निर्माण होऊ शकतात, असे मानले जाते. जर कचरा संध्याकाळी साचत असेल, तर त्याला झाकून ठेवणं आणि सकाळी योग्य वेळी बाहेर टाकणं चांगलं मानलं जातं.
नखे किंवा केस कापणं
संध्याकाळी नखे किंवा केस कापणं हीदेखील एक अशुभ कृती मानली जाते. जुन्या काळात, सूर्यप्रकाशावर अवलंबून असलेली कामं ही दिवसाच्याच वेळात पूर्ण केली जात. त्यामुळे या गोष्टी संध्याकाळी करणं टाळलं जात होतं. परंतु, आजही मानसिक दृष्टिकोनातून पाहिलं, तर या क्रियेमुळे दिवसाचा शेवट नकारात्मकतेत होण्याची शक्यता असते. त्यामुळे सकाळी नखं व केस कापणं योग्य ठरतं.
झोपणं टाळावं
संध्याकाळी अंथरुणावर झोपणं टाळावं, असंही सांगितलं जातं. हा काळ ध्यान, प्रार्थना आणि आत्मनिरीक्षणासाठी उत्तम मानला जातो. या वेळी झोपणं म्हणजे आळसाला आमंत्रण देणं, आणि त्यामुळे नकारात्मक विचार व ऊर्जेचा प्रसार होण्याचा धोका असतो. त्याऐवजी, या वेळेचा उपयोग घरातील लोकांसोबत संवाद साधण्यासाठी किंवा एखादं प्रसन्न कार्य करण्यासाठी करावा.
कर्ज घेणं किंवा देणं
शेवटी, कर्ज घेणं किंवा देणंही सूर्यास्तानंतर टाळावं. हा केवळ एक धार्मिक संकेत नसून आर्थिक दृष्टीनेही महत्त्वाचं आहे. संध्याकाळी कर्जाचे व्यवहार करणे म्हणजे लक्ष्मीच्या कृपेपासून दूर जाणं, असं मानलं जातं. त्यामुळे पैशासंबंधी व्यवहार शक्यतो सकाळीच पूर्ण करावेत.
