Electric Cars News : पेट्रोल आणि डिझेल (petrol and diesel) महाग होऊनही अनेक ग्राहकांना (customers) इच्छा असूनही इलेक्ट्रिक वाहने (electric vehicles) घेता येत नाहीत. याचे एक प्रमुख कारण म्हणजे इलेक्ट्रिक वाहनांची किंमत पेट्रोलच्या तुलनेत जास्त आहे.
मात्र आता सरकारने असे पाऊल उचलले आहे की येत्या काळात बॅटरीवर चालणारी सर्व वाहने स्वस्त होणार आहेत. खरं तर, भारत सरकारने (Government of India) लिथियम-आयन बॅटरी पॅकवरील GST दर 18 टक्क्यांवरून पाच टक्क्यांपर्यंत कमी केले आहेत ,
EV उद्योगात 5 टक्के एकसमान GST दर बनवला आहे. यामुळे भारतातील इलेक्ट्रिक वाहनांच्या किमती कमी होण्याची अपेक्षा आहे, कारण इलेक्ट्रिक वाहनांच्या किमतीत बॅटरीचा वाटा 50 टक्के आहे.
भारत सरकारने बॅटरीवरील जीएसटी दरात कपात करण्याची ही दुसरी वेळ आहे. 2018 मध्ये सरकारने जीएसटी 28 टक्क्यांवरून 18 टक्क्यांवर आणला.
भारतीय ईव्ही बाजारात तेजी
देशभरात उत्पादकांच्या वाढत्या संख्येमुळे गेल्या काही वर्षांत भारतीय ईव्ही बाजारात तेजी आली आहे. तसेच, अलीकडच्या काळात, बाजारात अनेक नवीन स्टार्टअप सुरू झाले आहेत आणि अनेकांकडे सर्व-इलेक्ट्रिक उत्पादनांचा पोर्टफोलिओ आहे.
सरकारने घेतला मोठा निर्णय
“इलेक्ट्रिक वाहने, बॅटरी पॅकने सुसज्ज असोत किंवा नसोत, 5 टक्के सवलतीच्या GST दरास पात्र आहेत,” असे वित्त मंत्रालयाच्या निवेदनात म्हटले आहे. चंदीगड येथे 28 जून आणि 29 जून रोजी झालेल्या GST परिषदेच्या 47व्या बैठकीत हा निर्णय घेण्यात आला. अर्थमंत्री निर्मला सीतारामन यांच्या अध्यक्षतेखाली ही बैठक झाली.
इलेक्ट्रिक वाहने स्वस्त होणार असल्याचे संकेत गडकरींनी यापूर्वीच दिले आहेत
हे नमूद करण्यासारखे आहे की रस्ते वाहतूक मंत्री नितीन गडकरी यांनी काही काळापूर्वी असे संकेत दिले होते की तंत्रज्ञान आणि हरित इंधनातील जलद प्रगतीमुळे इलेक्ट्रिक ऑटोमोबाईल्सच्या किंमती कमी होतील आणि पुढील दोन वर्षांत ते पेट्रोलवर चालणाऱ्या वाहनांच्या बरोबरीने येतील.
गडकरी म्हणाले, “मी जास्तीत जास्त दोन वर्षात सांगू शकतो की, इलेक्ट्रिक स्कूटर, कार, ऑटोरिक्षाची किंमत पेट्रोलवर चालणाऱ्या स्कूटर, कार, ऑटोरिक्षा यांच्या बरोबरीने असेल. लिथियम-आयन बॅटरीच्या किमती कमी होत आहेत. झिंक-आयन, अॅल्युमिनियम-आयन, सोडियम-आयन बॅटरीचे हे रसायन आम्ही विकसित करत आहोत.
