Volkswagen India : फोक्सवॅगन इंडिया या महिन्यात आपल्या लक्झरी सेडान वर्टूसवर (Volkswagen Virtus) मोठ्या सवलती देत आहे. या महिन्यात ही कार खरेदी केल्यास ग्राहकांना 1.45 लाख रुपयांपर्यंत बचत करण्याची संधी मिळणार आहे. कंपनी या कारवर रोख सवलत, एक्सचेंज बोनस आणि लॉयल्टी बोनस सारखे फायदे देत आहे. ही ऑफर काही निवडक प्रकारांवरच लागू आहे. चला या ऑफरबद्दल सविस्तर जाणून घेऊया…
कंपनी Virtus 1.5 TSI च्या निवडक प्रकारांवर एक्सचेंज बोनस आणि 70,000 रुपयांचा लॉयल्टी बोनस देखील देत आहे. Taigun प्रमाणे, Virtus च्या काही ड्युअल-एअरबॅग प्रकारांवर 40,000 रुपयांची रोख सूट दिली जात आहे. सध्या या वाहनाची एक्स-शोरूम किंमत 11.56 लाख रुपये आहे. तर, त्याच्या स्पर्धक वेर्नाची किंमत 11 लाख रुपये आहे. अशास्थितीत कंपनीने दिलेली ही सवलत कार विक्रीत भर पाडेल.
Volkswagen Virtus इंजिन
Volkswagen Virtus मध्ये 1.0-लिटर टर्बो पेट्रोल इंजिन आहे, जे जास्तीत जास्त 115bhp पॉवर आणि 178Nm चा पीक टॉर्क जनरेट करण्यास सक्षम आहे. याशिवाय, यात 1.5-लीटर टर्बो पेट्रोल इंजिन आहे जे जास्तीत जास्त 150bhp पॉवर आणि 250Nm चा पीक टॉर्क जनरेट करू शकते. कारचे इंजिन मॅन्युअल आणि ऑटोमॅटिक दोन्ही गिअरबॉक्सेसशी जोडलेले आहे. कंपनीने 1.0-लीटर मॅन्युअल प्रकारात 19.40 kmpl, 1.0-लीटर ऑटोमॅटिक प्रकारात 18.12 kmpl आणि 1.5-लीटर DCT प्रकारात 18.67 kmpl मायलेज देण्याचा दावा केला आहे.
Volkswagen Virtus वैशिष्ट्ये
Virtus च्या वैशिष्ट्यांबद्दल सांगायचे तर, यात 10.1-इंचाची टचस्क्रीन इन्फोटेनमेंट सिस्टम, डिजिटल ड्रायव्हर डिस्प्ले, वायरलेस चार्जिंग, सनरूफ, व्हेंटिलेटेड फ्रंट सीट्स, एलईडी हेडलॅम्प, 8-स्पीकर ऑडिओ सिस्टम आणि उंची ॲडजस्टेबल ड्रायव्हर सीट यांसारखी वैशिष्ट्ये आहेत. सुरक्षेसाठी, यात 6-एअरबॅग्ज, इलेक्ट्रॉनिक स्थिरता नियंत्रण आणि टायर प्रेशर मॉनिटरिंग सिस्टम आहे. याला ग्लोबल NCAP कडून 5-स्टार सुरक्षा रेटिंग मिळाले आहे.
