आजच्या काळात कार घेणे ही केवळ गरज राहिली नसून ती एक प्रतिष्ठेची गोष्ट बनली आहे. मात्र, कार खरेदी करताना केवळ लूक आणि मायलेजच नव्हे, तर सुरक्षेचाही विचार करणे महत्त्वाचे आहे. बाजारात अनेक बजेट फ्रेंडली कार्स उपलब्ध आहेत, ज्यामध्ये उत्कृष्ट सुरक्षा वैशिष्ट्ये दिली जातात. विशेषतः, ६ एअरबॅग्जसह कमी बजेटमध्ये उपलब्ध असलेल्या कार्सबद्दल अनेक ग्राहकांना उत्सुकता असते. जर तुम्ही अशाच कारच्या शोधात असाल आणि तुमचे बजेट ६ लाखांच्या आत असेल, तर खालील पर्याय तुमच्यासाठी योग्य ठरू शकतात.
मारुती सुझुकी सेलेरियो
मारुती सुझुकी सेलेरियो ही कमी बजेटमध्ये उत्कृष्ट मायलेज आणि सुरक्षितता वैशिष्ट्यांसह येणारी कार आहे. ही कार ६ एअरबॅग्जसह सुसज्ज असून, यामध्ये EBD (Electronic Brakeforce Distribution) आणि मागील पार्किंग सेन्सरसह ABS (Anti-lock Braking System) सारखी वैशिष्ट्ये दिली आहेत. ही कार ५.६४ लाख रुपयांच्या सुरुवातीच्या एक्स-शोरूम किमतीत उपलब्ध आहे, तर तिच्या टॉप व्हेरिएंटची किंमत ७.३७ लाख रुपये आहे. कमी किमतीत उत्तम सुरक्षा हवी असल्यास हा एक चांगला पर्याय आहे.
मारुती सुझुकी स्विफ्ट
मारुती सुझुकी स्विफ्ट ही देखील भारतीय बाजारात प्रचंड लोकप्रिय असलेली कार आहे. मायलेज आणि परफॉर्मन्ससह ही कार आता ६ एअरबॅग्जसह अधिक सुरक्षित झाली आहे. यात EBD सह ABS, रिव्हर्स पार्किंग कॅमेरा आणि अँडव्हान्स्ड सेफ्टी फीचर्स दिले आहेत. ही कार ६.४९ लाख रुपये (एक्स-शोरूम) सुरुवातीच्या किमतीत उपलब्ध आहे, तर टॉप व्हेरिएंटची किंमत ९.६४ लाख रुपये आहे. स्वस्त आणि सुरक्षित अशा कारच्या शोधात असाल, तर हा एक उत्तम पर्याय ठरू शकतो.
टाटा Nexon
जर तुम्हाला ६ एअरबॅग्जसोबतच ५-स्टार सेफ्टी रेटिंग असलेली कार हवी असेल, तर टाटा Nexon तुमच्यासाठी सर्वोत्तम पर्याय आहे. ही कार सुरक्षेच्या बाबतीत एक उच्च मानांकन प्राप्त कार असून, यामध्ये फ्रंट पार्किंग सेन्सर, ३६०-डिग्री कॅमेरा, मागील पार्किंग सेन्सर आणि EBD सह ABS सारखी प्रगत सुरक्षा वैशिष्ट्ये दिली आहेत. टाटा नेक्सन ८ लाख रुपये (एक्स-शोरूम) सुरुवातीच्या किमतीत उपलब्ध आहे, तर टॉप व्हेरिएंटसाठी १५.६० लाख रुपये खर्च करावे लागतील.
कोणती कार सर्वोत्तम?
जर तुम्हाला ६ लाखांच्या आत कार घ्यायची असेल आणि सुरक्षा तुमची प्राथमिकता असेल, तर मारुती सुझुकी सेलेरियो हा सर्वोत्तम पर्याय आहे. मात्र, जर तुम्ही थोडं जास्त बजेट वाढवू शकत असाल, तर मारुती सुझुकी स्विफ्ट अधिक चांगले फीचर्स देते. सुरक्षिततेच्या दृष्टीने सर्वोत्तम पर्याय पाहता, टाटा Nexon ५-स्टार सेफ्टी रेटिंगसह एक अत्यंत सुरक्षित कार म्हणून ओळखली जाते. त्यामुळे तुमच्या गरजेनुसार आणि बजेटनुसार योग्य पर्याय निवडणं महत्त्वाचं आहे.
