अमृतवाहिनी शेती व शिक्षण विकास संस्थेच्या अमृतवाहिनी एमबीए महावि‌द्यालयाच्या सन २०२४-२०२५ या शैक्षणिक वर्षात ९८ विद्यार्थ्यांची निकालापूर्वीच कॅम्पस प्लेसमेंट द्वारे विविध नामांकित राष्ट्रीय व आंतरराष्ट्रीय कंपन्यांमध्ये निवड झाली. या कंपन्यांमध्ये निवड झालेल्या वि‌द्यार्थ्यांना 3 लाखापासून ते 7 लाखापर्यंतचे वार्षिक पॅकेज मिळाले असल्याची अशी माहिती अमृतवाहिनी एमबीए महावि‌द्यालयाचे संचालक डॉ. बी. एम. लोंढे यांनी दिली.
शैक्षणिक क्षेत्रात अग्रेसर असलेल्या अमृतवाहिनी एमबीए महावि‌द्यालयाद्वारे ग्रामीण भागातील विद्यार्थ्यांच्या करिअर जडणघडणीमध्ये नेहमीच मोलाचा वाटा उचललेला आहे. आत्तापर्यंत महावि‌द्यालयातून २५०० वि‌द्यार्थ्यांनी एमबीए पदवी संपादित केलेली असून अशा या एमबीए महाविद्यालयाची स्थापना दूरदृष्टी नेतृत्व असलेले सहकार महर्षी भाऊसाहेब थोरात यांच्या संकल्पनेमधून १९९४-१९९५ मध्ये झाली त्यानंतर माजी मंत्री लोकनेते बाळासाहेब थोरात व मा. आ. डॉ. सुधीर तांबे यांच्या मार्गदर्शनाखाली संस्थेने आतापर्यंत दैदीप्यमान यश संपादन केलेले आहे.
अमृतवाहिनी एमबीए महावि‌द्यालय है सावित्रीबाई फुले पुणे वि‌द्यापीठाशी कायम संलग्नित असून महाविद्यालयाने सर्वच क्षेत्रात उच्च निकालाची परंपरा राखलेली आहे तसेच महाविद्यालयाने आय. एस. ओ. मानांकन प्राप्त केलेले असून इ.स. सन २०२४ मध्ये महाविद्यालयाने युजीसी चे NAAC चे “ए” ग्रेड मानांकन मिळवलेले आहे.
या निवड झालेल्या विद्यार्थ्यांच्या कंपन्यांमध्ये होम्स्फाय रिअल्टी लि., कोराझोन होम्स प्रायव्हेट लि., डिकॅथलॉन इंडिया प्रायव्हेट लि., मेविन आरपीओ सोल्यूशन्स प्रायव्हेट लि., रियांश मल्टीट्रेड प्रायव्हेट लि., मालपाणी ग्रुप ऑफ कंपनीज जस्ट डायल लिमिटेड, गोल्ड नेस्ट रिसर्च सिप्ला लि., डी-मार्ट- एव्हेन्यू सुपरमार्ट्स लिमिटेड, अलकेम लॅबोरेटरीज लिमिटेड, लिवस्पेस इंडिया प्रायव्हेट लिमिटेड, प्लादा इन्फोटेक सर्व्हिसेस लि., सोलरस्क्वेअर एनर्जी प्रायव्हेट लि., नवनीत एज्युकेशन लिमिटेड ग्लोकल फूडवर्क्स प्रायव्हेट लि., श्रीराम फायनान्स लिमिटेड, एफ बी एग्रोवेट प्रायव्हेट लि., डेसिमल पॉईंट अॅनालिटिक्स प्रायव्हेट लि. डेटार्मेटिक्स ग्लोबल सर्व्हिसेस लिमिटेड, कायझन इंजिनियरिंग (भारत) प्रायव्हेट लि., यूनिकॉर्न इन्फोसोल्यूशन्स प्रायव्हेट लि. रेसिस्टोटेक इंडिया प्रा. लि., टीम लीज सर्व्हिसेस लि., न्यू टेक कपलिंग्ज प्रायव्हेट लि., कोथमिरे त्रिशूल ब्रेड मसाले एस एम पी इंजिनियर्स & इलेक्ट्रिकल्स प्रायव्हेट लि., जी पी पालरेशा आणि कंपनी, स्वराज प्रायव्हेट लि., मुंगी एंटरप्राइजेस प्रायव्हेट लि. डीसीएम फिनिशिंग स्कूल प्रायव्हेट लि., टीव्हीएस मोटर शो रूम, डीएसआर ग्रुप ऑफ कंपनी, ए जी आय फार्मास्युटिकल्स लि. अशा विविध नामांकित कंपन्यांमध्ये अमृतवाहिनी महावि‌द्यालयाच्या द्वितीय वर्षातील ९८ विद्यार्थ्यांची निवड झालेली आहे.
या सर्व निवड झालेल्या विद्यार्थ्यांच्या प्लेटमेंटसाठी अमृतवाहिनी एमबीएच्या वतीने संचालक डॉ.बी. एम. लोंढे, प्लेसमेंट विभाग प्रमुख प्रा. विजय थोरात व सर्व शिक्षक व शिक्षकेतर कर्मचारी यांनी प्रयत्न केले.
या सर्व निवड झालेल्या यशस्वी विद्यार्थ्यांचे संस्थेचे अध्यक्ष बाळासाहेब थोरात (माजी महसूल मंत्री महाराष्ट्र राज्य) विश्वस्त आमदार डॉ. सुधीर तांबे, विश्वस्त सौ. शरयु देशमुख, साखर कारखान्याचे संचालक माननीय इंद्रजीत भाऊ थोरात, संस्थेचे मुख्य कार्यकारी अधिकारी अनिल शिंदे, व्यवस्थापक प्रा.व्ही.बी. धुमाळ आणि संस्थेचे डायरेक्टर अकॅडेमिक डॉ.जे.बी. गुरव यांनी अभिनंदन केले.
