Train New Rule : रेल्वेचा प्रवास हा कमी खर्चिक असतो. त्यामुळे अनेकजण रेल्वेने प्रवास करतात. जर तुम्ही दररोज रेल्वेने प्रवास करत असाल तर तुमच्यासाठी एक महत्त्वाची आणि आनंदाची बातमी आहे. भारतीय रेल्वे प्रवाशांसाठी अनेक नियम आणत असते.
परंतु, यातील अनेक प्रवाशांना रेल्वेच्या या नियमाची माहिती नसते. त्यामुळे त्यांना त्याचा फायदा घेता येत नाही. दरम्यान, भारतीय रेल्वेने आता पुन्हा एकदा एक नावीन नियम आणला आहे. याचा फायदा रेल्वे रद्द झालेल्या प्रवाशांना फायदा होणार आहे.
द्वितीय श्रेणी आरक्षित तिकिट
याबाबत भारतीय रेल्वेने असे सांगितले की, द्वितीय श्रेणी (2S) च्या आरक्षित तिकीट असणाऱ्या प्रवाशांना प्रवासापूर्वी त्यांची PNR स्थिती (‘ट्रेन्स’ मेनू > ‘PNR चौकशी’) तपासण्याचा सल्ला देण्यात येतो. जर 2S आरक्षित तिकीटधारकांना PNR स्थितीवर ‘रूट क्लास डिलीट/बुकिंगला परवानगी नाही’ म्हणून PNR स्टेटस मिळत असल्यास तर त्यांना पूर्ण रिफंडसाठी अशी तिकिटे रद्द करता येतात.
आहे ओटीपी आधारित रिफंड सिस्टम
यापूर्वी, भारतीय रेल्वेकडून अधिकृत रेल्वे तिकीट एजंटद्वारे बुक केलेल्या तिकिटांसाठी एक नवीन OTP-आधारित परतावा प्रणाली सुरू करण्यात आली होती. आरक्षित ई-तिकीटांसाठी पारदर्शक आणि ग्राहक अनुकूल परतावा प्रणाली आणण्याचे उद्दिष्ट आहे जी रद्द झाली आहेत किंवा पूर्णपणे प्रतीक्षा यादीत सोडली आहेत. ही नवीन प्रणाली भारतीय रेल्वे PSU, इंडियन रेल्वे केटरिंग अँड टुरिझम कॉर्पोरेशन लिमिटेड (IRCTC) द्वारे लागू करण्यात आली आहे.
कसे करते काम
हा ओटीपी प्रवाशांच्या नोंदणीकृत मोबाइल क्रमांकावर एसएमएसच्या स्वरूपात येईल. प्रवाशाला जर परताव्याची रक्कम परत मिळवायची असेल तर तिकीट बुकिंग एजंटसोबत OTP शेअर करावा. या वापरकर्ता-अनुकूल सुविधेद्वारे, प्रवाश्यांना एजंटकडून रद्द केलेल्या तिकीटावर किंवा पूर्णपणे प्रतीक्षा यादीत असलेल्या तिकिटाच्या बदल्यात परतावा रक्कम किती आहे ते समजेल.
या योजनेचे उद्दिष्ट सांगायचे झाले तर रद्दीकरण परतावा प्रक्रिया अधिक सुव्यवस्थित करणे हे आहे. ज्यामुळे एजंटद्वारे रद्द केलेली रक्कम ग्राहकांना वेळेत परत केली जाईल.
हे लक्षात ठेवा की रद्द केलेल्या तिकिटांसाठी किंवा पूर्णपणे प्रतीक्षा यादीतील तिकिटांसाठी OTP-आधारित परतावा केवळ IRCTC अधिकृत एजंटद्वारे तिकीट बुक केल्यासच प्रक्रिया केली जाईल.
लक्षात ठेवा या गोष्टी
- आरक्षित रेल्वे ई-तिकीट बुक करताना IRCTC अधिकृत एजंटला एक योग्य मोबाइल नंबर द्यावा.
- आरक्षित रेल्वे ई-तिकीट बुक करत असताना एजंटने त्याचा/तिचा मोबाईल नंबर योग्यरित्या प्रविष्ट केला आहे याची खात्री करावी.
- सर्वात महत्त्वाचे म्हणजे केवळ IRCTC अधिकृत एजंटना ग्राहकांसाठी आरक्षित रेल्वे ई-तिकीट बुक करण्याची परवानगी आहे.
