Sarkari Yojana Information : मुलगी (Daughter) जन्माला आल्यानंतर सर्वांनाच आनंद होत असतो. मात्र त्या मुलीच्या पालकांना (parents) तिच्या भविष्याची चिंता लागून राहिलेली असते. तिचे शिक्षण (Education) आणि लग्न (married) कसे करावे असे अनेक प्रश्न पालकांच्या समोर उभे असतात. मात्र आता काळजी करण्याची गरज नाही.
सरकारने (Goverment) मुलीचे भविष्य सुरक्षित करण्यासाठी सुकन्या समृद्धी योजना (Sukanya Samrudhi Yojana) आणली आहे. या योजनेचा लाभ तुम्ही घेऊ शकता. चला तर जाणून घेऊया या योजनेबद्दल…
तुम्हाला सांगतो की सुकन्या समृद्धी योजनेत इतर योजनांपेक्षा जास्त व्याज मिळते. केंद्र सरकारची ही सुकन्या समृद्धी योजना तुमच्या मुलीचे भविष्य उज्ज्वल करू शकते.
या योजनेत तुम्ही किमान 250 रुपये आणि जास्तीत जास्त 1.5 लाख रुपये वार्षिक जमा करू शकता. या योजनेत गुंतवलेल्या पैशावर करसवलतही आहे. तुम्हाला तुमच्या मुलीच्या शिक्षणाची आणि भविष्याची काळजी करण्याची गरज नाही. सुकन्या समृद्धी योजनेवर ७.६ टक्के व्याज मिळत आहे.
या योजनेअंतर्गत, मुलगी 10 वर्षांची झाल्यावर, त्यात पैसे जमा करणे सुरू करा आणि ती 21 वर्षांची झाल्यावर तिला मॅच्युरिटीची रक्कम मिळेल. अशा प्रकारे तुम्ही कमी पैसे गुंतवून चांगले पैसे वाचवू शकता.
तुम्ही कोणत्याही पोस्ट ऑफिस किंवा बँकेच्या शाखेत जाऊन सुकन्या समृद्धी योजनेचे खाते उघडू शकता. खाते उघडण्यासाठी मुलीचे जन्म प्रमाणपत्र सादर करावे लागेल.
याशिवाय पालकांचे ओळखपत्र, पॅनकार्ड, रेशनकार्ड, ड्रायव्हिंग लायसन्स, पासपोर्ट आणि ते कुठे राहतात याचा पुरावा पासपोर्ट, रेशनकार्ड, वीजबिल, टेलिफोन बिल, पाण्याचे बिल असे द्यावे लागणार आहे.
गुंतवणुकीचा कालावधी 15 वर्षांपर्यंत असेल:
या योजनेत खाते उघडल्यापासून १५ वर्षांपर्यंत गुंतवणूक करावी लागते. जर तुम्हाला दोन मुली असतील तर तुम्ही दोन्ही मुलींसाठी खाते उघडू शकता. समजा तुम्ही वयाच्या 9 व्या वर्षी तुमच्या मुलीचे खाते उघडले असेल तर तुम्हाला 12 वर्षे पैसे जमा करावे लागतील.
तुम्हाला असे लाखो रुपये मिळतील:
सुकन्या समृद्धी योजनेवर ७.६ टक्के व्याज मिळत आहे. जर तुम्ही या योजनेत दरमहा 3000 रुपये गुंतवले तर ते वार्षिक 36000 रुपये होईल.
त्यानुसार 14 वर्षांत 7.6 टक्के वार्षिक चक्रवाढ दराने 9,11,574 रुपये उपलब्ध होतील. 21 वर्षांनंतर म्हणजेच मॅच्युरिटीनंतर तुम्हाला सुमारे 15,22,221 रुपये मिळतील.
