ITR Verification : आयकर विभागाकडून आयकर भरण्यासाठी करदात्यांना वेळोवेळी मुदत वाढवून दिली होती. तसेच या दरम्यान अनेक करदात्यांनी 31 डिसेंबर 2022 पर्यंत त्यांचा ITR दाखल केला आहे. मात्र आता आयकर विभागाकडून पुन्हा एकदा आयटीआर पडताळणीसाठी मुदत वाढवून दिली आहे.
ज्या करदात्यांनी 31 डिसेंबर 2022 पर्यंत त्यांचा ITR दाखल केला आहे. आता आयकर विभागाने त्या करदात्यांना आयटीआर पडताळणीसाठी 30 जानेवारी 2023 पर्यंतची मुदत दिली आहे.
ज्या करदात्यांनी 31 डिसेंबर 2022 पर्यंत उशीरा किंवा सुधारित ITR भरला आहे त्यांना ही अंतिम मुदत देण्यात आली आहे. करदात्यांना माहिती देताना, केंद्रीय प्रत्यक्ष कर मंडळाने त्यांना 30 जानेवारीपूर्वी सत्यापन पूर्ण करण्यास सांगितले आहे. अर्थ मंत्रालयाच्या म्हणण्यानुसार, ज्या नागरिकांची वार्षिक कमाई अडीच लाख ते पाच लाख रुपये आहे त्यांनी आयटीआर दाखल करणे आवश्यक आहे.
त्याचबरोबर वार्षिक ५ लाख रुपयांपेक्षा जास्त कमाई करणाऱ्यांना आयटीआर भरणे अनिवार्य करण्यात आले आहे. वर्ष 2022-23 साठी करदात्यांसह विलंबित आणि सुधारित ITR दाखल करण्याची अंतिम तारीख 31 डिसेंबर 2022 होती.
सेंट्रल बोर्ड ऑफ डायरेक्ट टॅक्सेस (CBDT) नुसार, ज्या करदात्यांनी 31 डिसेंबर 2022 पर्यंत उशीरा दंड भरून विलंबित ITR किंवा सुधारित ITR भरला आहे, त्यांना ITR मध्ये दिलेल्या माहितीची पडताळणी करावी लागेल.
करदाते आयटीआर ई-व्हेरिफाय करू शकतात. बोर्डाने यासाठी ३० जानेवारी २०२३ ही अंतिम तारीख निश्चित केली आहे. म्हणजेच जानेवारी महिन्यात करदात्यांना कोणत्याही परिस्थितीत आयटीआरची पडताळणी करावी लागेल. अन्यथा, आयकर विभागाकडून तुमच्या घरी नोटीस येऊ शकते.
आयटीआर सत्यापित न झाल्यास काय?
1.सेंट्रल बोर्ड ऑफ डायरेक्ट टॅक्सेसने आपल्या निर्देशांमध्ये स्पष्ट केले आहे की, दिलेल्या मुदतीत ITR ई-व्हेरिफिकेशन झाले नाही तर ते अवैध मानले जाईल.
म्हणजे तुमचा ITR भरणे व्यर्थ ठरेल.
2. ITR मध्ये दिलेल्या सर्व माहितीची पुष्टी करून करदात्यांनी 30 जानेवारी 2023 पूर्वी ई-सत्यापन करणे आवश्यक आहे.
3. असे करण्यात अयशस्वी झाल्यास आयकर नोटीस, कायदेशीर कारवाई किंवा दंड होऊ शकतो.
तुम्ही ITR ऑनलाइन पडताळू शकता
विलंबित किंवा सुधारित आयटीआर सत्यापित करण्यासाठी करदाते ऑनलाइन पद्धतीचा अवलंब करू शकतात. यासाठी करदात्याला आयकर विभागाच्या अधिकृत वेबसाइट https://www.incometax.gov.in/iec/foportal/ वर जावे लागेल आणि ई-व्हेरिफिकेशन पर्याय निवडून ही प्रक्रिया पूर्ण करावी लागेल.
