Vinegar Hacks : जवळपास सगळ्या गृहिणी स्वयंपाक (Cooking) करत असताना व्हिनेगरचा (Vinegar) वापर करतात. प्रामुख्याने नूडल्स (Noodles) बनवताना याचा जास्त वापर केला जातो.
पण तुम्हाला हे माहित आहे का की व्हिनेगरचा वापर (Use of vinegar) फक्त केवळ स्वयंपाक बनवताना न करता इतर अनेक गोष्टींसाठी करता येऊ शकतो.
व्हिनेगर कोणत्या गोष्टींमध्ये वापरता येईल
1) भाज्या आणि चीज साठवण्यासाठी
जर तुम्ही पनीर (Paneer) बाहेर सोडले तर ते खराब होऊ शकते. पण अनेकदा ते फ्रीजमध्ये खूप कठीण होते. हे टाळण्यासाठी सूती कापड व्हिनेगरमध्ये बुडवा. पनीर ओल्या कापडात गुंडाळा आणि नंतर पनीर फ्रीजमध्ये प्लास्टिकच्या पिशवीत ठेवा. व्हिनेगरमध्ये भिजवलेल्या पालेभाज्याही (Vegetables) दीर्घकाळ ताज्या राहतात.
2) भांडी साफ करते
तुमच्या डिशवॉशिंग (Dishwashing) साबणाने तुमची डिश तुमच्या अपेक्षेप्रमाणे स्वच्छ होत नसल्यास, व्हिनेगर वापरा. तुमच्या डिशवॉशरच्या तळाशी सुमारे दोन कप व्हिनेगर घाला.
3) क्लिनर सारखे
व्हिनेगरपासून बनवलेले क्लिनर (Cleaner) नैसर्गिक आणि अतिशय प्रभावी आहे. स्टीलची भांडी, चॉपिंग बोर्ड आणि काचेच्या पृष्ठभागापासून ते स्वयंपाकघरातील कॅबिनेटपर्यंत, व्हिनेगर काहीही स्वच्छ करण्यासाठी वापरले जाऊ शकते.
4) मायक्रोवेव्हच्या आतील बाजूस साफ करणे
मायक्रोवेव्हमधील काजळी आणि तेल साफ करणे खूप कठीण आहे, परंतु व्हिनेगर हे सोपे करते. एक वाटी घ्या आणि त्यात दोन कप पाणी आणि काही चमचे पांढरे व्हिनेगर घाला.
मायक्रोवेव्हमध्ये ठेवा आणि 2-3 मिनिटे गरम करा. त्यानंतर वाटी काढा आणि मायक्रोवेव्हच्या आतील भाग स्वच्छ करण्यासाठी स्वच्छ कापड वापरा.
