5 year horoscope : प्रत्येक व्यक्तीला त्याच्या भविष्याची चिंता असते, पण भविष्य हे अनिश्चित आहे, अशातच आपण भविष्य जाणून घेण्यासाठी ज्योतिष शास्त्राची मदत घेतो. ज्योतिष शास्त्रात भविष्य हे ग्रहांच्या स्थितीनुसार सांगितले जाते. अशातच आज आम्ही सिंह राशीच्या लोकांचे ग्रहांच्या स्थितीनुसार पुढील पाच वर्ष कशी असतील हे सांगणार आहोत.
ज्योतिष शास्त्रानुसार सिंह राशीचा स्वामी सूर्य ग्रह आहे. आणि सूर्य ग्रह जन्माच्या तक्त्यामध्ये पित्याचे प्रतिनिधित्व करतो. तर स्त्रीच्या कुंडलीत तो तिच्या पतीच्या आयुष्याविषयी सांगतो. तसेच, सूर्य ग्रह एका राशीतून दुसर्‍या राशीत सुमारे एका महिन्यात संक्रमण करतो. ज्याचा परिणाम इतर 12 राशीच्या लोकांवर दिसून येतो.
तसेच ग्रहांमध्ये गुरु ग्रहाला देखील विशेष महत्व आहे. आणि गुरु जेव्हा एका राशीतून दुसऱ्या राशीत प्रवेश करतो, तेव्हा देखील त्याचा परिणाम मानवी जीवनावर खोलवर दिसून येतो. गुरु 13 महिन्यांत एका राशीतून दुसऱ्या राशीत प्रवेश करतो. शनीला देखील विशेष महत्व आहे. शनी हा सर्वात संथ गतीने चालणार ग्रह आहे. अशातच शनिदेव 30 महिन्यांत एका राशीतून दुसऱ्या राशीत प्रवेश करतो. त्यामुळे या ग्रहांच्या संक्रमणाला ज्योतिषशास्त्रात विशेष महत्त्व आहे.
अशातच शनिदेव सध्या कुंभ राशीत आणि गुरु मीन राशीत आहे, पण एप्रिल महिन्यात गुरू मेष राशीत प्रवेश करणार आहे. अशा परिस्थितीत आम्ही तुम्हाला येत्या 5 वर्षांची कुंडली म्हणजे सिंह राशीच्या लोकांसाठी करिअर, व्यवसाय, आर्थिक स्थिती, आरोग्य आणि वैवाहिक जीवनाच्या दृष्टीने येणारी 5 वर्षे कशी सिद्ध होतील. हे सांगणार आहोत.
ग्रहांच्या या स्थितीनुसार कुंभ राशीच्या लोकांना 2023, 24 आणि 2025 हे वर्ष मानसिक तणावाने भरलेले असेल. या काळात तुमचा आदरही कमी होईल. तसेच काही आजार होऊ शकतात. डोक्यात काही समस्या असू शकतात, स्नायूंशी संबंधित काही आजार असू शकतात. रक्त गोठणे देखील होऊ शकते. रक्ताशी संबंधित काही समस्या असू शकतात. तसेच, त्यामुळे तुम्ही तुमच्या आरोग्याची विशेष काळजी घ्यावी. यावेळी संबंध बिघडू शकतात. म्हणून, कोणत्याही गोष्टीबद्दल उत्साही होऊ नका.
त्याच वेळी, 2025 आणि 2026, 2027 च्या अर्ध्या वर्षानंतर, शनिदेव तुमच्या कुंडलीच्या आठव्या घरात भ्रमण करतील. या काळातही सावध राहण्याची गरज आहे. कारण इथेही शनी मीन राशीत राहून चांगले परिणाम देणार नाहीत. या काळात अगदी संयमाने काम करावे लागतील. या काळात तुमचे तुमच्या जोडीदारासोबतचे संबंध बिघडू शकतात. तुम्हाला न्यायालयीन खटल्यांमध्येही पराभवाला सामोरे जावे लागू शकते. याशिवाय यावेळी शनीचा वाईट प्रभावही तुमच्यावर राहील. 26 आणि 27 मध्ये तुम्हाला विशेष काळजी घ्यावी लागेल.
वैदिक ज्योतिष शास्त्रानुसार, शनिदेव 2027 नंतर तुमच्या राशीत खालच्या स्थरावर भ्रमण करतील. त्यामुळे हा काळही फारसा चांगला जाणार नाही. या काळातही नशीब तुम्हाला साथ देणार नाही. आणखी संघर्ष करावा लागेल. काही गोष्टींबाबत तणावही राहील. पण पुढे जाऊन याचे फळ शनिदेवाकडून मिळेल.
असे असले तरी, 2023, 24, 25, 27 मध्ये देवगुरु बृहस्पतीचा आशीर्वाद तुमच्यासाठी सकारात्मक आहे. त्यामुळे गुरूंच्या आशीर्वादाने तुमचे कार्य सिद्धीस जाईल. तसेच, गुरु हा सूर्याचा मित्र आहे, जो तुमच्या राशीचा स्वामी आहे. त्यामुळे तुमचे शनि जे काही काम बिघडवत असेल, ते गुरु ग्रह निश्चित करेल.
या काळात शनिदेवाच्या वाईट प्रभाव दूर करण्यासाठी शनिदेवाची पूजा करावी. तसेच काळे आणि निळे कपडे परिधान करा. दर शनिवारी शनिदेवाच्या मूर्तीसमोर मोहरीच्या तेलाचा दिवा लावावा. तसेच, गरीब आणि गरजूंना तेल लावलेल्या भाकरीचे वाटप करा आणि श्वानांना बिस्कीट खायला द्या.
