Shani Nakshtra Parivartan 2024 : वैदिक ज्योतिषात नऊ ग्रहांना विशेष महत्व आहे. नऊ ग्रहांपैकी शनिला जास्त महत्व आहे. शनि हा सर्वात संथ गतीने चालणार ग्रह आहे. शनिला एका राशीतून दुसऱ्या राशीत प्रवेश करायला सुमारे ३० महिने लागतात, अशातच शनिचे संक्रमण खूप महत्वाचे मानले जाते. जेव्हा शनि एका राशीतून दुसऱ्या राशीत प्रवेश करतो, तेव्हा त्याचा इतर १२ राशींच्या लोकांवर परिणाम दिसून येतो.
शनीला न्यायाची देवता देखील म्हटले जाते. ज्या व्यक्तीच्या कुंडलीत शनि बलवान असतो तो धीर धरणारा असतो अशी समजूत आहे. तसेच त्यांच्या कुंडलीत विशेष राजयोग देखील तयार होतो. अशा व्यक्तींना सर्व कार्यात यश मिळते. आर्थिक लाभ होतो. सुख आणि सौभाग्य वाढते. ज्ञान आणि दीर्घायुष्य प्राप्त होते. दरम्यान, कर्माचा दाता शनि पुढील वर्षी तीन वेळा आपले नक्षत्र बदलेल. 2024 हे वर्ष काही राशींसाठी खूप शुभ ठरणार आहे,कारण काही राशीच्या लोकांवर शनिदेवाच्या विशेष आशीर्वादांचा वर्षाव होईल.
पहिला नक्षत्र बदल 6 एप्रिल 2024 रोजी होईल. पूर्वा भाद्रपदात शनि प्रवेश करेल. यानंतर ३ ऑक्टोबरला शनि शतभिषा नक्षत्रात प्रवेश करेल. वर्ष 2024 चा शेवटचा नक्षत्र बदल 27 तारखेला होणार आहे, त्या दरम्यान शनि पुन्हा पूर्वा भाद्रपद नक्षत्रात प्रवेश करेल. शनिच्या या हालचालींचा काही राशींना खूप फायदा होणार आहे. कोणत्या आहेत या भाग्यशाली राशी चला पाहूया…
‘या’ राशींच्या लोकांना मिळेल नशिबाची साथ !
शनीच्या राशी बदलाचा परिणाम सर्व राशींवर होईल, परंतु तीन राशींना सर्वाधिक फायदा होईल. 2024 मध्ये या लोकांवर शनिदेवाची विशेष कृपा असेल.
सिंह
सिंह राशीच्या लोकांसाठी शनीचा रास बदल उत्तम राहील. या काळात स्थानिकांना यश मिळण्याची शक्यता आहे. जमीन, घर, वाहन खरेदीची शक्यता आहे. मेहनतीने केलेल्या कामात यश मिळेल. प्रदीर्घ प्रलंबित कामे पूर्ण होतील. सर्व कामात यश मिळेल.
वृषभ
वृषभ राशीच्या लोकांसाठी 2024 हे वर्ष खूप खास असणार आहे. कारण शनिदेव यांच्यावर कृपा करतील. व्यवसायात लाभ होण्याची देखील शक्यता आहे. आरोग्याशी संबंधित समस्यांपासून आराम मिळेल. वैवाहिक जीवन आनंदी राहील. प्रेम संबंध मजबूत होतील आणि संपत्ती आणि समृद्धी वाढण्याची शक्यता आहे.
मेष
मेष राशीच्या लोकांसाठी पुढील वर्ष खूप शुभ असणार आहे. शनिदेवाच्या कृपेने या राशीच्या लोकांना भाग्याची साथ मिळेल. जीवनातील नकारात्मकता दूर होईल. आर्थिक लाभ होण्याची शक्यता आहे. बँक बॅलन्स वाढू शकतो. नशीब तुमच्या बाजूने असेल. एकूणच येणार काळ खूप खास असणार आहे.
