घनदाट, लांब आणि सुंदर केस मिळवण्याची प्रत्येक स्त्रीची एक सुप्त इच्छा असते. पण प्रदूषण, चुकीचा आहार, तणाव आणि रासायनिक उत्पादनांमुळे केसांचा पोत बिघडतो, ते गळायला लागतात आणि अगदी वेळेआधी पांढरेही होऊ लागतात. अशा वेळी आपण बाजारात मिळणाऱ्या महागड्या शॅम्पू आणि ट्रीटमेंटचा आधार घेतो, पण अनेकदा त्याचा परिणाम तितकासा समाधानकारक नसतो. अशा वेळी आपल्या आजीबाईंच्या काळातील देशी उपाय पुन्हा आठवायला हवेत, जे सहज मिळतील, स्वस्त असतील आणि विशेष म्हणजे सुरक्षितही.
कांद्याचा रस
केसांना नैसर्गिकरित्या पोषण देण्यासाठी कांद्याचा रस हा खूप प्रभावी घटक मानला जातो. कांद्यामध्ये नैसर्गिक सल्फर भरपूर प्रमाणात असतो, जो केसांच्या मुळांपर्यंत पोहोचून त्यांना बळकटी देतो आणि केस गळणे थांबवतो. जर तुम्ही आठवड्यातून दोन वेळा ताज्या कांद्याचा रस केसांवर लावला, तर 10 दिवसांतच फरक जाणवू लागतो. सुरुवातीला वास त्रासदायक वाटू शकतो, पण त्याचे फायदे पाहता तो त्रास लवकरच विसरला जातो.
एलोवेरा जेल
कोरफड म्हणजे केसांसाठी एक वरदानच. कोरफडीचा ताजा जेल थेट स्काल्पवर लावल्यास तो केसांना ओलावा देतो, रुक्षपणा कमी करतो आणि केसांच्या वाढीला गती देतो. त्यात असणारे जीवनसत्त्व A, C आणि E केसांची चमक वाढवतात आणि स्काल्पवरील जळजळ, खाज यासारख्या समस्यांपासूनही दिलासा देतात.
मेथी
तसंच मेथी हे आणखी एक घरगुती उपाय आहे, जो केसांसाठी खूपच फायदेशीर ठरतो. रात्री एक वाटी मेथीचे दाणे पाण्यात भिजत ठेवावेत आणि सकाळी त्याची पेस्ट बनवून ती केसांवर लावावी. ही पेस्ट स्काल्पला थंडावा देते, केसांना आवश्यक प्रथिने आणि पोषण पुरवते. यामुळे केस गळती कमी होते, आणि नव्या केसांची वाढ सुरळीत होते.
कढीपत्ता
जर तुम्हाला केसांचे संपूर्ण पोषण द्यायचे असेल, तर नारळ तेलात कढीपत्ता उकळून तयार केलेले तेल नक्की वापरून बघा. हे तेल रात्री झोपण्यापूर्वी केसांमध्ये हलक्या हाताने मालीश केल्यास त्याचा खोलवर परिणाम होतो. कढीपत्त्यात असलेले अँटीऑक्सिडंट्स केसांना काळसर बनवतात आणि त्यांच्या मुळांपर्यंत पोषण पोहोचवतात.
हे उपाय नियमित आणि संयमाने केल्यास फक्त 10 ते 15 दिवसांत तुमच्या केसांच्या पोतामध्ये खूप मोठा बदल दिसून येईल. खरंतर हे उपाय केवळ सौंदर्यासाठीच नाहीत, तर ते तुमच्या केसांचं आरोग्य टिकवून ठेवण्यासाठी देखील आवश्यक आहेत.
