नात्यांचं जग हे खूप सूक्ष्म आणि गुंतागुंतीचं असतं. आपण अनेकदा म्हणतो की लग्नाच्या गाठी स्वर्गात बांधल्या जातात, पण त्या निभावताना खरी परीक्षा होते आणि ती परीक्षा प्रत्येकाचं व्यक्तिमत्त्व, स्वभाव आणि भावनिक प्रवृत्ती यांच्या आधारे पार पडते. मूलांक 1 असलेले लोक म्हणजेच जे जणू स्वभावाने तेजस्वी सूर्याचे प्रतिनिधी असतात, त्यांचं वैवाहिक जीवनही असंच विशेष आणि थोडंसं वेगळं असतं.
मूलांक 1
ज्यांचा जन्म महिन्याच्या 1, 10, 19 किंवा 28 तारखेला झाला आहे, त्यांचा मूलांक 1 मानला जातो. या लोकांचा अधिपती ग्रह सूर्य असल्यामुळे त्यांच्यात नेतृत्वगुण, आत्मविश्वास, आणि स्पष्ट विचारसरणी असते. ते जे ठरवतात, ते अगदी ठामपणे करतात. मग तो निर्णय करिअरचा असो की आयुष्याच्या जोडीदाराचा. पण त्यांच्या या ठाम आणि प्रभावी व्यक्तिमत्त्वाच्या मागे दडलेलं एक कोमल, संवेदनशील हृदय असतं, जे क्वचितच कोणाला दिसतं.
या व्यक्ती प्रेमात अतिशय प्रामाणिक असतात. एकदा त्यांनी कोणावर मनापासून प्रेम केलं, की ते नातं अखेरपर्यंत जपण्याचा त्यांचा प्रयत्न असतो. मात्र, भावना व्यक्त करण्यात ते थोडे संकोची आणि गोंधळलेले असतात. त्यांच्या जोडीदाराला अनेकदा वाटू शकतं की ते थोडेसे दूर, अबोल आहेत. पण खरे प्रेम त्यांच्या मनात खोलवर रुजलेलं असतं, फक्त ते शब्दांत उतरवण्यात ते हळवे असतात.
मूलांक 1 साठीचे जोडीदार
त्यांना आपल्या आयुष्यात एक प्रकारचा शिस्तबद्धपणा हवा असतो. निर्णय घेण्यात स्वातंत्र्य आणि नियंत्रण त्यांच्यासाठी महत्त्वाचं असतं. त्यामुळे जर जोडीदार समजूतदारपणे त्यांचं व्यक्तिमत्त्व स्वीकारणारा असेल, तर हे नातं खूप सुंदर फुलू शकतं. विशेषतः मूलांक 2, 3, 4, 5, 8 आणि 9 असलेल्या व्यक्ती या संतुलनाला साथ देऊ शकतात.
पण या नात्याला यशस्वी होण्यासाठी मूलांक 1 असलेल्या व्यक्तींनी स्वतःमध्ये थोडासा लवचीकपणा आणावा लागतो. थोडं मोकळं बोलणं, जोडीदाराचं म्हणणं ऐकून घेणं आणि गरजेपेक्षा जास्त कठोर न होणं या सवयी जर त्यांनी अंगीकारल्या, तर नात्याचं सौंदर्य अजून खुलू शकतं.
